മലയാള സിനിമയിലെ ഹാസ്യ വേഷങ്ങള്‍ കൈകാര്യം ചെയ്യുന്ന കലാകാരന്‍ എന്നതിലുപരി നല്ലൊരു ഡാന്‍സര്‍ കൂടിയാണ് ബിജു കുട്ടന്‍. മകള്‍ക്കൊപ്പം അദ്ദേഹം ചെയ്യുന്ന ഡാന്‍സ് റീല്‍സ് പലപ്പോഴും സോഷ്യല്‍ മീഡിയയില്‍ ശ്രദ്ധ നേടാറുണ്ട്. മകള്‍ക്കൊപ്പം ചുവട് വെച്ച ബുള്ളറ്റ് സോങ്, പുഷ്പയിലെ സാമി മുതലായ പാട്ടുകളെല്ലാം സോഷ്യല്‍ മീഡിയയില്‍ വൈറലായിരുന്നു.
മകള്‍ക്കൊപ്പം ചെയ്ത ബിജു കുട്ടന്റെ പുതിയ റീല്‍സും ശ്രദ്ധ നേടുകയാണ്. ഷാരൂഖ് ഖാന്‍ ചിത്രം പത്താനിലെ ജൂമേ ജോ പത്താന്‍ എന്ന ഗാനത്തിനാണ് ബിജു കുട്ടന്‍ ചുവട് വെച്ചത്. പത്താന്‍ സിനിമയില്‍ എറ്റവും അവസാനം വരുന്ന പാട്ട് ഷാരൂഖിന്റെയും ദീപികയും തകര്‍പ്പന്‍ ചുവടുകള്‍ കൊണ്ട് ശ്രദ്ധ നേടിയിരുന്നു. പ്രൊഫഷണല്‍ വഴക്കത്തോടെയാണ് ഈ ചുവടുകള്‍ മകള്‍ക്കൊപ്പം താരം ചെയ്തത്.
ബിജു കുട്ടനെയും മകളെയും അഭിനന്ദിച്ച് നിരവധി കമന്റുകളാണ് എത്തിയത്. ആര്‍.ആര്‍.ആറിലെ നാട്ടു നാട്ടു കളിക്കാന്‍ ആവശ്യപ്പെട്ട് നിരവധി പേര്‍ കമന്റ് ചെയ്തിരുന്നു.
കഴിഞ്ഞ ജനുവരി 25ന് റിലീസ് ചെയ്ത പത്താനിലെ ഗാനങ്ങള്‍ റിലീസിന് മുമ്പ് തന്നെ ശ്രദ്ധ നേടിയിരുന്നു. ആദ്യ പുറത്ത് വന്ന ബേഷരം രംഗ് എന്ന ഗാനത്തിനെതിരെ സംഘപരിവാര്‍ കേന്ദ്രങ്ങളില്‍ നിന്നും വലിയ സൈബര്‍ അറ്റാക്കും തുടര്‍ന്ന് ചിത്രത്തിനെതിരെ ബോയ്‌കോട്ട് ആഹ്വാനങ്ങളും വന്നിരുന്നു.
കര്‍ണന്‍ നെപ്പോളിയന്‍ ഭഗത് സിങ്ങാണ് ഒടുവില്‍ പുറത്ത് വന്ന ബിജു കുട്ടന്റെ സിനിമ. ശരത് ജി. മോഹന്‍ സംവിധാനം ചെയ്ത ചിത്രത്തില്‍ ധീരജ് ഡെന്നിയാണ് നായകനായത്.
Content Highlight: biju kuttan and his daughter’s reels pathaan song