ചൈനയെ കണ്ട് പാലം പണിയുന്ന ബീഹാര്‍; വൈറലാവുന്ന പാലവും പാലം കാണാനെത്തിയ നിതീഷ് കുമാറും
ഡൂള്‍ന്യൂസ് ഡെസ്‌ക്
Wednesday, 23rd December 2020, 2:11 pm
ചൈനയിലെ പ്രസിദ്ധമായ ഗ്ലാസുകൊണ്ടുളള പാലം പോലൊന്ന് പണിഞ്ഞുകൊണ്ടിരിക്കുകയാണ് ബീഹാറില്‍. പണി പൂര്‍ത്തിയായിക്കൊണ്ടിരിക്കുന്ന പാലത്തിന്റെ ചിത്രങ്ങളും പാലത്തില്‍ മുഖ്യമന്ത്രി നിതീഷ് കുമാര്‍ നില്‍ക്കുന്ന ചിത്രങ്ങളുമാണ് സോഷ്യല്‍മീഡിയയില്‍ പ്രചരിക്കുന്നത്.
ബീഹാറിലെ നളന്ദ ജില്ലയിലെ രാജ്ഗിറിലാണ് ഗ്ലാസ് കൊണ്ടുള്ള പാലം പണിയുന്നത്. പാലത്തിലൂടെയുള്ള നടത്തം മാത്രമല്ല പ്രകൃതിരമണീയമായ കാഴ്ചയും ഒപ്പം മൃഗശാലയിലൂടെയുള്ള സഫാരിയും ജനങ്ങള്‍ക്ക് ഒരുക്കുമെന്നാണ് അധികൃതര്‍ പറയുന്നത്.
കഴിഞ്ഞ ദിവസമാണ് പാലം സന്ദര്‍ശിക്കാന്‍ മുഖ്യമന്ത്രിയായ നിതീഷ് കുമാര്‍ എത്തിയത്. 2021 മാര്‍ച്ച് ആവുമ്പോഴേക്കും പാലത്തിന്റെ പണി കഴിക്കാനാണ് അധികൃതര്‍ക്ക് നിതീഷ് കുമാര്‍ നല്‍കിയ നിര്‍ദേശം.പാലത്തിന് താഴെയുള്ള നാച്ച്വര്‍ സഫാരി പാര്‍ക്കില്‍ മറ്റ് വിനോദങ്ങളുമുണ്ട്.
