സര്‍ക്കാര്‍ സ്‌കൂളുകളിലെ ഹിന്ദു ആഘോഷ അവധി ദിവസങ്ങള്‍ വെട്ടിക്കുറച്ചു; ബീഹാര്‍ സര്‍ക്കാരിനെതിരെ ദേശീയ ബാലാവകാശ കമ്മീഷന്
ഡൂള്‍ന്യൂസ് ഡെസ്‌ക്
Wednesday, 29th November 2023, 7:59 pm
പാട്‌ന: ഹൈന്ദവ ആഘോഷ ദിവസങ്ങളില്‍ സര്‍ക്കാര്‍ സ്‌കൂളുകളിലെ വിദ്യാര്‍ത്ഥികള്‍ക്ക് നല്‍കുന്ന അവധികള്‍ നിര്‍ത്തലാക്കണമെന്ന ബീഹാര്‍ സര്‍ക്കാരിന്റെ നിര്‍ദേശത്തെ ചോദ്യം ചെയ്ത് ദേശീയ ബാലാവകാശ കമ്മീഷന്. ബീഹാര്‍ വിദ്യാഭ്യാസ വകുപ്പ് പുറപ്പെടുവിച്ച വിജ്ഞാപനത്തെ ചൂണ്ടിക്കാട്ടി എന്‍.സി.പി.സി.ആര്‍ ചെയര്‍മാന്‍ പ്രിയങ്ക് കനുങ്കോ സര്‍ക്കാരിന് നോട്ടീസ് നല്‍കി.
ബീഹാര്‍ സര്‍ക്കാരിന്റെ പുതിയ വിജ്ഞാപനത്തില്‍ അടുത്ത വര്‍ഷത്തോടെ ഹര്‍ത്താലിക തീജ്, ജന്മാസ്തമി, ശിവരാത്രി, രാമനവമി, സരസ്വതി പൂജ, രാഖി, തീജ്, ജിതിയ ദിവസങ്ങളിലെ അവധി വിദ്യാഭ്യാസ വകുപ്പ് റദ്ദാക്കുമെന്നാണ് സൂചിപ്പിച്ചിരിക്കുന്നത്.
