ബീഹാറിലെ മന്ത്രിസഭാ വിപുലീകരണം നിതീഷിനുള്ള ഇരുട്ടടിയോ; പിടിമുറുക്കി ബി.ജെ.പി
ഡൂള്‍ന്യൂസ് ഡെസ്‌ക്
Tuesday, 9th February 2021, 4:01 pm
പട്‌ന: ബീഹാറില്‍ എന്‍.ഡി.എ മന്ത്രി സഭാ വിപൂലികരിച്ചതോടെ ഭരണത്തില്‍ കൂടുതല്‍ പിടിമുറുക്കാനുള്ള നീക്കത്തിനാണ് ബി.ജെ.പി തുടക്കം കുറിച്ചിരിക്കുന്നത്. പുതിയ മന്ത്രിസഭയില്‍ മുന്‍ കേന്ദ്രമന്ത്രിയും ബി.ജെ.പി ദേശീയ വക്താവുമായ സയ്യിദ് ഷഹനവാസ് ഹുസൈനെ ഉള്‍പ്പെടുത്തിയതിന് പിന്നാലെയാണ് ബീഹാറിലെ ഭരണത്തില്‍ ബി.ജെ.പി കൂടുതല്‍ ഇടപെടല്‍ നടത്തുന്നതായുള്ള വിലയിരുത്തലുകള്‍.
കഴിഞ്ഞ വര്‍ഷം നടന്ന സംസ്ഥാന നിയമസഭാ തെരഞ്ഞെടുപ്പില്‍ വിജയിച്ചതിന് ശേഷം നിതീഷ് സര്‍ക്കാരിന്റെ ആദ്യ മന്ത്രിസഭാ വിപുലീകരണത്തിന്റെ ഭാഗമായ ആറ് നേതാക്കളിലാണ് ഹുസൈനും ഉള്‍പ്പെടുന്നത്. ജെ.ഡി.യു നേതാക്കളായ സഞ്ജയ് കുമാര്‍ ഝാ, ശ്രാവണ്‍ കുമാര്‍, ലെസി സിംഗ്, മദന്‍ സാഹ്നി, ബി.ജെ.പിയുടെ പ്രമോദ് കുമാര്‍ എന്നിവരാണ് മറ്റുള്ള നേതാക്കള്‍. ഇവരെല്ലാം കഴിഞ്ഞ സര്‍ക്കാരില്‍ മന്ത്രി സ്ഥാനങ്ങള്‍ വഹിച്ചിരുന്നു.
