ന്യൂദല്‍ഹി: ഇന്ത്യന്‍ ക്രിക്കറ്റ് ടീമിന്റെ അവിഭാജ്യഘടകമാണ് ഫാസ്റ്റ് ബൗളര്‍ ഭൂവനേശ്വര്‍ കുമാര്‍. കളത്തിനകത്ത് സൂപ്പര്‍ താരമായ ഭൂവി കളത്തിനു പുറത്തെ വാര്‍ത്തകളില്‍ അങ്ങനെ പ്രത്യക്ഷപ്പെടാറില്ല. എന്നാല്‍ കഴിഞ്ഞ മേയില്‍ താരം ഇന്‍സ്റ്റാഗ്രാമില്‍ ഷെയര്‍ ചെയ്ത ഒരു ചിത്രം താരത്തെ ഗോസിപ്പുകോളങ്ങളിലേക്ക് നയിച്ചിരുന്നു.
Also Read: ഗുജറാത്തില്‍ ബി.ജെ.പി കൗണ്‍സിലറെ നാട്ടുകാര്‍ കെട്ടിയിട്ട് തല്ലി; വീഡിയോ
മെയ് 17 നു തന്റെ ഇന്‍സ്റ്റാഗ്രാം പേജിലായിരുന്നു ഭൂവി അപൂര്‍ണ്ണമായ ചിത്രം ഷെയര്‍ ചെയ്തിരുന്നത്. ഡിന്നര്‍ കഴിക്കുന്ന ചിത്രം ഷെയര്‍ ചെയ്ത താരം പൂര്‍ണ്ണമായ ചിത്രം പിറകേ വരുമെന്നും പറഞ്ഞിരുന്നു.
മാസങ്ങളുടെ കാത്തിരിപ്പുകള്‍ക്കൊടുവില്‍ ഇന്ന് ഇന്‍സ്റ്റാ അക്കൗണ്ടിലൂടെ കൂട്ടുകാരിയുടെ ചിത്രം ഷെയര്‍ ചെയ്ത താരം “തന്റെ മികച്ച പങ്കാളിയുടെ ചിത്രം ഇതാ” എന്ന തലക്കെട്ടോടെയാണ് ചിത്രം പങ്കുവെച്ചത്. നുപുര്‍ നഗറെന്നാണ് യുവതിയുടെ പേരെന്നും താരം വെളിപ്പെടുത്തിയിട്ടുണ്ട്.
ചിത്രം പോസ്റ്റ് ചെയ്ത് നിമിഷങ്ങള്‍ക്കകം തന്നെ ആരാധകര്‍ ഏറ്റെടുത്ത് കഴിഞ്ഞിരിക്കുകയാണ്. ഏകദിന, ട്വന്റി-20 ടീമുകളില്‍ ഇന്ത്യയുടെ കുന്തമുനയാണ് ഭൂവനേശ്വര്‍ കുമാര്‍. ഓസീസ് നായകന്‍ സ്റ്റീവ് സ്മിത്ത് ലോകത്തെ മികച്ച ഡെത്ത് ഓവര്‍ ബൗളറെന്ന് താരത്തെ വിശേഷിപ്പിച്ചത് കഴിഞ്ഞയാഴ്ചയായിരുന്നു.