ഉത്തരേന്ത്യന്‍ സംസ്ഥാനങ്ങള്‍ക്ക് സമാനമാകും വിധം കേരളത്തിലും ദളിത് പീഡനങ്ങള്‍; ഭീം ആര്‍മിയുടെ സെക്രട്ടറിയേറ്റ് മാര്‍ച്ച്
ഡൂള്‍ന്യൂസ് ഡെസ്‌ക്
Monday, 2nd November 2020, 3:16 pm
തിരുവനന്തപുരം: കേരളപ്പിറവി ദിനത്തില്‍ തലസ്ഥാന നഗരിയില്‍ ഭീം ആര്‍മി കേരള പ്രതിഷേധ മാര്‍ച്ചും ഉപവാസ സമരവും സംഘടിപ്പിച്ചു. രാവിലെ പത്ത് മണിയോടെ അയ്യങ്കാളി സ്‌ക്വയറില്‍ പുഷ്പാര്‍ച്ചന നടത്തിയ ശേഷമാണ് സെക്രട്ടറിയേറ്റിലേക്ക് മാര്‍ച്ച് സംഘടിപ്പിച്ചത്.
ഉത്തരേന്ത്യന്‍ സംസ്ഥാനങ്ങള്‍ക്ക് സമാനമാകും വിധം കേരളത്തിലും ദളിത് പീഡനങ്ങള്‍ വര്‍ധിച്ചുവരികയാണെന്നും കേരളത്തിന്റെ അങ്ങോളമിങ്ങോളമുള്ള ഓരോ കോണിലും ജാതിയുടെയും, വര്‍ഗ്ഗത്തിന്റെയും പേരില്‍ ജനങ്ങള്‍ നിരന്തരം അതിക്രൂരമായും, നിഷ്ഠൂരമായും വേട്ടയാടപ്പെടുകയാണെന്നും ഭീം ആര്‍മി നേതാക്കള്‍ പറഞ്ഞു.
