ബാംഗ്ലൂര്‍: വിവാഹത്തിനായി സിനിമയില്‍ നിന്ന് താല്‍ക്കാലികമായി വിട്ട് നിന്ന നടി ഭാവന അഭിനയ ലോകത്തിലേക്ക് തിരിച്ച് വരുന്നു. നരംസിംഹ സംവിധാനം ചെയ്യുന്ന ഇന്‍സ്‌പെക്ടര്‍ വിക്രം എന്ന് കന്നട സിനിമയിലൂടെയാണ് താരം മടങ്ങി വരവിനൊരുങ്ങുന്നത്.

കന്നട താരം പ്രജ്വാള്‍ ദേവ് ആണ് ചിത്രത്തിലെ നായകന്‍. ചിത്രത്തിന്റെ ആദ്യ ഷെഡ്യൂള്‍ ജനുവരി 27 ന് ആരംഭിച്ചെങ്കിലും ഫെബ്രുവരി ആദ്യ വാരമായിരിക്കും താരം ചിത്രത്തില്‍ ജോയിന്‍ ചെയ്യുക.

പൃഥിരാജ് നായകനായ ആദം ജോണിലാണ് ഭാവന അവസാനമായി അഭിനയിച്ചത്. പിന്നീട് വിവാഹത്തിനായി ഒരു ഇടവേള എടുക്കുകയായിരുന്നു.

കന്നട നിര്‍മ്മാതാവും ദീര്‍ഘകാല സുഹ്യത്തുമായ നവീനുമായി കഴിഞ്ഞ ദിവസമാണ് ഭാവനയുടെ വിവാഹം കഴിഞ്ഞത്. വിവാഹം കഴിഞ്ഞാലും സിനിമയില്‍ നിന്ന് വിട്ട് നിക്കില്ലെന്ന് താരം മുമ്പ് വ്യക്തമാക്കിയിരുന്നു.