ഇന്ത്യന്‍ ക്രിക്കറ്റിനെ സംബന്ധിച്ച് ഓര്‍ത്തുവെക്കാന്‍ സാധിക്കുന്ന വര്‍ഷമായിരുന്നു 2022. ഏഷ്യാ കപ്പിലും ടി-20 ലോകകപ്പിലും കിരീടം നേടാന്‍ സാധിക്കാതെ പോയെങ്കിലും മികച്ച പല നിമിഷങ്ങളും 2022ല്‍ ഇന്ത്യന്‍ ക്രിക്കറ്റിലുണ്ടായിട്ടുണ്ട്.
ബി.സി.സി.ഐ കൈക്കൊണ്ട ചരിത്രപരമായ തീരുമാനങ്ങള്‍ മുതല്‍ ഇന്ത്യന്‍ ലെജന്‍ഡുകളായ മിതാലി രാജിന്റെയും ജുലന് ഗോസ്വാമിയുടെയും വിരമിക്കലിനും കപില്‍ ദേവിന് ശേഷം ഒരു പേസര്‍ ഇന്ത്യയുടെ നായകസ്ഥാനമേറ്റെടുക്കുന്നതിനും 2022 സാക്ഷിയായിരുന്നു.
ഇത്തരത്തിലുള്ള നിരവധി നിമിഷങ്ങളായിരുന്നു 2022ല്‍ ഇന്ത്യന്‍ ക്രിക്കറ്റിനെ ഡിഫൈന്‍ ചെയ്തത്. ഈ മനോഹര മുഹൂര്‍ത്തങ്ങള്‍ ഉള്‍ക്കൊള്ളിച്ചുകൊണ്ടുള്ള വീഡിയോ ആണ് ബി.സി.സി.ഐ ഇപ്പോള്‍ പങ്കുവെച്ചിരിക്കുന്നത്.
As we inch closer to welcoming the New Year 🎊, let’s take a look back at some of the 🔝 moments for #TeamIndia in 2️⃣0️⃣2️⃣2️⃣ 🙌🏻 pic.twitter.com/8d6OFCX0u6
— BCCI (@BCCI) December 31, 2022
2022 ഫെബ്രുവരി: ഇന്ത്യന്‍ ക്രിക്കറ്റിന് അഭിമാനിക്കാന്‍ സാധിക്കുന്ന ആദ്യ നേട്ടമുണ്ടായത് ഫെബ്രുവരിയിലാണ്. അണ്ടര്‍ 19 ലോകകപ്പില്‍ ഒരിക്കല്‍ക്കൂടി ലോകകിരീടം ചൂടിയാണ് ഇന്ത്യ ചരിത്രം സൃഷ്ടിച്ചത്. ഇത് അഞ്ചാം തവണയാണ് ഇന്ത്യ അണ്ടര്‍ 19 ലോക കിരീടം സ്വന്തമാക്കുന്നത്.
2022 ജൂണ്‍: ലോകം കണ്ട ഏറ്റവും മികച്ച ക്രിക്കറ്റര്‍മാരില്‍ ഒരാളായ മിതാലി രാജിന്റെ അന്താരാഷ്ട്ര ക്രിക്കറ്റില്‍ നിന്നുള്ള പിടിയിറക്കമായിരുന്നു 2022ലെ മറ്റൊരു മികച്ച മൊമെന്റ്. ഒരു ബാറ്റര്‍ എന്ന നിലയിലും ക്യാപ്റ്റന്‍ എന്ന നിലയിലും ഇന്ത്യയെ ഉന്നതങ്ങളിലെത്തിച്ചാണ് മിതാലി പടിയിറങ്ങിയത്.
