വര്‍ഗീയ ശക്തി അധികാരത്തിലേറേണ്ട; ബി.ജെ.പിയെ തടയാന്‍ തൃണമൂലിന് പിന്തുണ നല്‍കാന്‍ ഷിബു സോറന്‍
ഡൂള്‍ന്യൂസ് ഡെസ്‌ക്
Friday, 12th March 2021, 7:18 pm
കൊല്‍ക്കത്ത: വരാനിരിക്കുന്ന നിയമസഭാ തെരഞ്ഞെടുപ്പില്‍ ഷിബു സോറന്റെ ജെ.എം.എം തൃണമൂല്‍ കോണ്‍ഗ്രസിന് പിന്തുണ നല്‍കുമെന്ന് പ്രഖ്യാപിച്ചു.
പശ്ചിമബംഗാളില്‍ വര്‍ഗീയ ശക്തികളെ അധികാരത്തിലെത്താന്‍ അനുവദിക്കാതിരിക്കാനാണ് തൃണമൂല്‍ കോണ്‍ഗ്രസിന് പിന്തുണ നല്‍കുന്നതെന്ന് ജെ.എം.എം അറിയിച്ചു.
പശ്ചിമ ബംഗാളില്‍ ടി.എം.സിയെ പിന്തുണയ്ക്കാന്‍ പാര്‍ട്ടി മേധാവി ഷിബു സോറന്‍ സമ്മതം നല്‍കിയതായും അതിനാല്‍ സംസ്ഥാനത്തെ ഒരു നിയമസഭാ സീറ്റിലും ജെ.എം.എം മത്സരിക്കില്ലെന്നും ജെ.എം.എം വര്‍ക്കിംഗ് പ്രസിഡന്റും ജാര്‍ഖണ്ഡ് മുഖ്യമന്ത്രിയുമായ ഹേമന്ത് സോറന്‍ അറിയിച്ചു.
