ബി.ജെ.പി പ്രവര്‍ത്തകരെ കൊണ്ട് നട്ടംതിരിഞ്ഞ് അമിത് ഷാ; നേതാക്കളെ ദല്‍ഹിയിലേക്ക് വിളിപ്പിച്ചു; കൊല്‍ക്കത്തയിലെ പ്രതിഷേധത്തില്‍ അതൃപ്തി
ഡൂള്‍ന്യൂസ് ഡെസ്‌ക്
Wednesday, 17th March 2021, 8:52 am
കൊല്‍ക്കത്ത: ബംഗാളില്‍ ബി.ജെ.പി സ്ഥാനാര്‍ത്ഥിപ്പട്ടിക പ്രഖ്യാപിച്ചതിന് പിന്നാലെ പാര്‍ട്ടിക്കകത്ത് ഉയര്‍ന്നുവന്ന പ്രതിഷേധം തണുപ്പിക്കാന്‍ ശ്രമങ്ങളുമായി കേന്ദ്രആഭ്യന്തരമന്ത്രി അമിത് ഷാ.
തെരഞ്ഞെടുപ്പ് പ്രചരണത്തിനായി ബംഗാളില്‍ നില്‍ക്കുന്ന സംസ്ഥാന ബി.ജെ.പി നേതാക്കളെയും ദേശീയ നേതാക്കളെയും അടിയന്തരമായി അമിത് ഷാ ദല്‍ഹിയിലേക്ക് വിളിപ്പിച്ചു.
പാര്‍ട്ടി പ്രവര്‍ത്തകപരുടെപ്രതിഷേധത്തിന്റെ പശ്ചാത്തലത്തിലാണ് അമിത് ഷാ യോഗം വിളിച്ചതെന്ന് മുതിര്‍ന്ന ബി.ജെ.പി നേതാവ് പറഞ്ഞു. കുറഞ്ഞത് അഞ്ച് നിയമസഭാ മണ്ഡലങ്ങളില്‍ നിന്നുള്ള പ്രവര്‍ത്തകര്‍ കൊല്‍ക്കത്തയിലെ ബി.ജെ.പി ഓഫീസിന് മുന്നില്‍ പ്രകടനങ്ങള്‍ നടത്തിയിരുന്നെന്നും പാര്‍ട്ടിയുടെ സംസ്ഥാന പ്രവര്‍ത്തകര്‍ നല്‍കിയ വിശദീകരണങ്ങളില്‍ അമിത് ഷാ സന്തുഷ്ടനല്ലെന്നും ബി.ജെ.പി നേതാവ് പറഞ്ഞു.
