ജയിപ്പിച്ചാല്‍ അയോധ്യയില്‍ കൊണ്ടുപോകാം; ബി.ജെ.പി സ്ഥാനാര്‍ത്ഥിയുടെ 'ഉറപ്പിന്' പിന്നാലെ തെരഞ്ഞെടുപ്പ് കമ്മീഷന്റെ നടപടി
ഡൂള്‍ന്യൂസ് ഡെസ്‌ക്
Thursday, 25th March 2021, 7:38 pm
കൊല്‍ക്കത്ത: നിയമസഭാ തെരഞ്ഞെടുപ്പില്‍ തന്നെ വിജയിപ്പിച്ചാല്‍ അയോധ്യയിലെ രാമക്ഷേത്രത്തിലേക്ക് കൊണ്ടുപോകുമെന്ന് വോട്ടര്‍മാരോട് പറഞ്ഞ ബി.ജെ.പി സ്ഥാനാര്‍ഥിക്ക് കാരണം കാണിക്കല്‍ നോട്ടീസ്. ജിതേന്ദ്ര തിവാരിക്കാണ് തെരഞ്ഞെടുപ്പ് കമ്മീഷന്റെ കാരണം കാണിക്കല്‍ നോട്ടീസ്.
മാര്‍ച്ച് 21 ന് ഹരിപൂരില്‍ നടന്ന ഒരു പൊതുയോഗത്തിലും പിന്നീട് ഒരു പാര്‍ട്ടി യോഗത്തിലും സംസാരിക്കുന്നതിനിടയിലാണ് തിവാരി രണ്ടുതവണ ഇക്കാര്യം പറഞ്ഞത്. മാര്‍ച്ച് 22നാണ് തിവാരിക്കെതിരെ തൃണമൂല്‍ പരാതികൊടുത്തത്.
