കൊല്‍ക്കത്ത: പശ്ചിമ ബംഗാളിലെ എ.ഐ.എം.ഐ.എം നേതാവ് തൃണമൂല്‍ കോണ്‍ഗ്രസില്‍ ചേര്‍ന്നു. ഷെയ്ഖ് അന്‍വര്‍ ഹുസൈന്‍ പാഷ എന്ന നേതാവാണ് പാര്‍ട്ടി വിട്ട് തൃണമൂലില്‍ ചേര്‍ന്നത്.
2021 നിയമസഭാ തെരഞ്ഞെടുപ്പ് അടുത്തിരിക്കെ അസദുദ്ദീന്‍ ഉവൈസിയ്ക്ക് കനത്ത ക്ഷീണമുണ്ടാക്കുന്നതാണ് ഷെയ്ഖ് അന്‍വറിന്റെ നീക്കം. ബംഗാളില്‍ ഒറ്റയ്ക്ക് മത്സരിക്കുമെന്ന് ഉവൈസി പറഞ്ഞിരുന്നു.
പൗരത്വ ഭേദഗതി നിയമത്തില്‍ മമതാ ബാനര്‍ജിയുടെ നിലപാടിനെ പ്രശംസിക്കുന്നതായും ഷെയ്ഖ് അന്‍വര്‍ പറഞ്ഞു. മമതയെ പോലെ മതേതര മൂല്യങ്ങള്‍ കാത്തുസൂക്ഷിക്കുന്ന നേതാവിനെ താന്‍ കണ്ടിട്ടില്ലെന്നും ഷെയ്ഖ് അന്‍വര്‍ പറഞ്ഞു.
ബി.ജെ.പിയെ തടയാന്‍ തൃണമൂലിനാണ് സാധിക്കുകയെന്നും അദ്ദേഹം അവകാശപ്പെട്ടു. സംസ്ഥാനത്തെ മുസ്‌ലിങ്ങള്‍ മമതയ്‌ക്കൊപ്പം നില്‍ക്കണമെന്നും അദ്ദേഹം പറഞ്ഞു.
അതേസമയം ഒവൈസിയോട് ബംഗാളിലേക്ക് വരരുതെന്നും ഷെയ്ഖ് അന്‍വര്‍ പറഞ്ഞു. ബംഗാളിന് ഉവൈസിയെ ആവശ്യമില്ലെന്നും അദ്ദേഹം പറഞ്ഞു.
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
Content Highlight: Bengal AIMIM leader joins TMC ahead of 2021 polls,