എല്ലാവരും കരുതുയിരുന്നോ വരുന്നത് ലോകകപ്പ് ഹീറോ; വിരമിക്കലില്‍ നിന്നും ഇംഗ്ലണ്ട് ടീമിലേക്ക് തിരിച്ചെത്തി സൂപ്പര്‍താരം
സ്പോര്‍ട്സ് ഡെസ്‌ക്
Monday, 14th August 2023, 11:20 pm
ഇംഗ്ലണ്ട് ക്രിക്കറ്റിന്റെ സൂപ്പര്‍താരം ബെന്‍ സ്റ്റോക്‌സ് ലോകകപ്പ് ടീമിലേക്ക് തിരിച്ചെത്തുമെന്ന് റിപ്പോര്‍ട്ട്. ടെലഗ്രാഫാണ് ഇക്കാര്യം റിപ്പോര്‍ട്ട് ചെയ്യുന്നത്. കഴിഞ്ഞ വര്‍ഷം താരം ഏകദിന ക്രിക്കറ്റില്‍ നിന്നും വിരമിച്ചിരുന്നു.
ട്വന്റി-20 ടെസ്റ്റ് ക്രിക്കറ്റ് എന്നിവയില്‍ ശ്രദ്ധകേന്ദ്രീകരിക്കാനായാണ് താരം ഏകദിനത്തില്‍ നിന്നും വിരമിച്ചത്. ഇംഗ്ലണ്ട് ടെസ്റ്റ് ടീമിന്റെ നായകനും കൂടിയാണ് താരം.
വലിയ മാച്ചുകളില്‍ ഇംഗ്ലണ്ടിന്റെ എക്കാലത്തെയും വലിയ സൂപ്പര്‍താരമാണ് ബെന്‍ സ്റ്റോക്‌സ്.
2019ലെ ലോകകപ്പ് ഫൈനലിലും ആഷസ് 2019 ഹെഡിങ്ങ്‌ലി ടെസ്റ്റിലും, കഴിഞ്ഞ വര്‍ഷം നടന്ന ട്വന്റി-20 ലോകകപ്പ് ഫൈനലിലും ഇംഗ്ലണ്ടിനെ വിജയിപ്പിച്ചതില്‍ സ്റ്റോക്സിന്റെ പങ്ക് ഐക്കോണിക്കാണ്.
