14 മാസത്തിന് ശേഷം ഏകദിത്തില്‍, സിക്‌സര്‍ നേടി ഫിഫ്റ്റി! ലോകചാമ്പ്യന്‍ വരവറിയിച്ചിട്ടുണ്ട്
സ്പോര്‍ട്സ് ഡെസ്‌ക്
Friday, 8th September 2023, 8:49 pm
പതിനാല് മാസത്തിന് ശേഷമാണ് ഇംഗ്ലണ്ട് സൂപ്പര്‍ ഓള്‍റൗണ്ടര്‍ ബെന്‍ സ്റ്റോക്സ് ക്രിക്കറ്റ് ഏകദിന ക്രിക്കറ്റിലേക്ക് തിരിച്ചെത്തുന്നത്. 2022ല്‍ ഏകദിന ക്രിക്കറ്റില്‍ നിന്നും വിരമിച്ച താരമായിരുന്നു സ്റ്റോക്സ്. എന്നാല്‍ ഏകദിന ലോകകപ്പ് അടുത്തതോടെ താരത്തെ ഇംഗ്ലണ്ട് വീണ്ടും സമീപിക്കുകയായിരുന്നു.
ഇപ്പോഴിതാ തിരിച്ചുവരവ് മത്സരം ഗംഭീരമാക്കിയിരിക്കുകയാണ് സ്റ്റോക്സ്. ഇംഗ്ലണ്ടിനായി നാലാമനായി ക്രീസിലെത്തിയ സ്റ്റോക്സ് 69 പന്ത് നേരിട്ട് 52 റണ്‍സ് നേടി. മൂന്നും ഫോറും ഒരു സിക്‌സറുമാണ് അദ്ദേഹത്തിന്റെ ഇന്നിങ്‌സില്‍ ഉണ്ടായിരുന്നത്.
വ്യക്തികത സ്‌കോര്‍ 46ല്‍ നില്‍ക്കെ സിക്‌സറടിച്ചുകൊണ്ടാണ് താരം അര്‍ധസെഞ്ച്വറി തികച്ചത്. എന്നാല്‍ ഒരു പന്തിന് അപ്പുറം രച്ചിന്‍ രവീന്ദ്രക്ക് വിക്കറ്റ് നല്‍കി അദ്ദേഹം മടങ്ങി.
