ബി.ജെ.പി 'ബീജിംഗ് ജനതാ പാര്‍ട്ടി'യായി പരിണമിച്ചു; കേന്ദ്രസര്‍ക്കാരിനെ പരിഹസിച്ച് മല്ലികാര്‍ജുന്‍ ഗാര്‍ഖെ
ഡൂള്‍ന്യൂസ് ഡെസ്‌ക്
Saturday, 27th November 2021, 8:36 pm
ന്യൂദല്‍ഹി: ഇന്ത്യയുടെ ഭാഗമായ പ്രദേശങ്ങള്‍ ചൈനക്ക് അടിയറ വെച്ചുവെന്നാരോപിച്ച് കേന്ദ്രസര്‍ക്കരിനെ പരിഹസിച്ച് രാജ്യസഭാ പ്രതിപക്ഷ നേതാവ് മല്ലികാര്‍ജുന്‍ ഗാര്‍ഖെ. ബി.ജെ.പി ‘ബീജിംഗ് ജനതാ പാര്‍ട്ടി’യായി പരിണമിച്ചുവെന്ന് ഗാര്‍ഖെ പരിഹസിച്ചു.
‘അരുണാചല്‍ പ്രദേശില്‍ ഗ്രാമം നിര്‍മിക്കാന്‍ ചൈനയെ അനുവദിച്ചു. ചൈനയിലെ വിമാനത്താവളം തങ്ങളുടേതാണെന്ന് ഉത്തര്‍പ്രദേശ് സര്‍ക്കാര്‍ വാദിക്കുന്നു.
ലഡാക്കിലെ നമ്മുടെ പ്രദേശം ചൈനക്ക് വിട്ട്‌നല്‍കുന്നു. ബി.ജെ.പി ‘ബീജിംഗ് ജനതാ പാര്‍ട്ടി’യായി പരിണമിച്ചു’ ഗാര്‍ഖെ ട്വിറ്ററില്‍ കുറിച്ചു.
