നിങ്ങള്‍ കണ്ട ആ സീനിനു പിന്നില്‍; വൈറലാവുന്ന ഡാര്‍ക്ക് നൈറ്റിലെ ബിഹൈന്‍ഡ് സീന്‍സ്
ഡൂള്‍ന്യൂസ് ഡെസ്‌ക്
Thursday, 12th March 2020, 10:03 pm
സിനിമാ പ്രേമികളുടെ എക്കാലത്തെയും പ്രിയപ്പെട്ട ചിത്രമാണ് ഡാര്‍ക്ക് നൈറ്റ്. ലോക സിനിമയില്‍ അവിസ്മരണീയനായ വില്ലന്‍ കഥാപാത്രത്തെ സമ്മാനിച്ച ക്രിസ്റ്റഫര്‍ നോളന്റെ സിനിമയിലെ ഒരു പിന്നണി സീന്‍ ആണ് ഇപ്പോള്‍ സോഷ്യല്‍ മീഡിയയില്‍ ചര്‍ച്ചയാവുന്നത്. ചിത്രത്തില്‍ വില്ലനായ ജോക്കര്‍ ആശുപത്രിക്ക് ബോംബ് വെക്കുന്ന ഒരു സീന്‍ ലോകവ്യാപകമായി പ്രശസ്തമായതാണ്.
ഇപ്പോള്‍ ആ സീനിന്റെ പിന്നാമ്പുറ സീനുകളാണ് വൈറലാവുന്നത്. ചിത്രത്തിലെ ഒരു ക്രൂ മെമ്പറാണ് ഈ വീഡിയോ പുറത്തു വിട്ടിരിക്കുന്നത്. ഒരു വി.എഫ്.എക്‌സ് ഇഫക്ടുകളോ എഡിറ്റിങ്ങോ ഇല്ലാതെ ഒരു ആശുപത്രി മൊത്തം ബോംബിടുന്ന വീഡിയോയുടെ വൈഡ് ഷോട്ട് നിരവധി പേരാണ് ഇപ്പോള്‍ ഷെയര്‍ ചെയ്തിരിക്കുന്നത്.