ഒ.ടി.ടി റിലീസിന് മുമ്പേ ആദിപുരുഷ് എച്ച്.ഡി. പ്രിന്റ് ലീക്കായി; സോഷ്യല്‍ മീഡിയയില്‍ നിറഞ്ഞ് രാവണന്‍
എന്റര്‍ടെയിന്‍മെന്റ് ഡെസ്‌ക്
Sunday, 2nd July 2023, 12:22 pm
ഒ.ടി.ടി റിലീസിന് മുന്നേ ആദിപുരുഷിന്റെ എച്ച്.ഡി. വേര്‍ഷന്‍ ലീക്കായി. പൈറേറ്റഡ് സൈറ്റുകളില്‍ ചിത്രത്തിന്റെ പതിപ്പ് അപ്‌ലോഡ് ചെയ്തിരിക്കുകയാണ്. ആദിപുരുഷിന്റെ തമിഴ് എച്ച്.ഡി. പതിപ്പാണ് ഓണ്‍ലൈനില്‍ ചോര്‍ന്നിരിക്കുന്നത്.
എച്ച്.ഡി. പതിപ്പ് ലീക്കായതോടെ ചിത്രത്തിലെ ദൃശ്യങ്ങള്‍ വെച്ച് സോഷ്യല്‍ മീഡിയയില്‍ വീഡിയോ ട്രോളുകള്‍ ഉള്‍പ്പെടെ പ്രവഹിക്കുകയാണ്. സെയ്ഫ് അലി ഖാന്‍ അവതരിപ്പിച്ച രാവണനെ കേന്ദ്രീകരിച്ചാണ് കൂടുതലും ട്രോളുകള്‍ വരുന്നത്. ആഗസ്റ്റില്‍ ചിത്രത്തിന്റെ ഒ.ടി.ടി റിലീസ് നടക്കാനിരിക്കെയാണ് പൈറ്റേറ്റഡ് പ്രിന്റ് പുറത്ത് വന്നിരിക്കുന്നത്.
