ഐ.പി.എല്‍ വാതുവെപ്പ് കേസില്‍ കുറ്റവിമുക്തനായ ശ്രീശാന്ത് രണ്ടര വര്‍ഷത്തിന് ശേഷം ഇന്നലെ കൊച്ചി കലൂര്‍ സ്റ്റേഡിയത്തില് പ്രവേശിച്ചിരുന്നു. കേസില്‍ പ്രതിയായ ശ്രീശാന്തിന് ബി.സി.സി.ഐ വിലക്കേര്‍പ്പെടുത്തിയതോടെ കലൂര്‍ സ്‌റ്റേഡിയത്തിലും പ്രവേശനാനുമതി നിഷേധിച്ചിരുന്നു. ഇത് പിന്‍വലിച്ചതോടെയാണ് ശ്രീശാന്തിന് സ്റ്റേഡിയത്തില് പ്രവേശിക്കാനായത്.
കുറ്റവിമുക്തനാക്കിയെങ്കിലും ബി.സി.സി.ഐ വിലക്ക് നിലനില്‍ക്കുന്നതിനാല്‍ ശ്രീശാന്തിന് ക്രിക്കറ്റ് മത്സരങ്ങള്‍ക്ക് ഇറങ്ങാനാവില്ല. അതുകൊണ്ടുതന്നെ ശ്രീശാന്തിന്റെ വിലകത്ക് നീക്കുന്നതിന് കെ.സി.എ തന്നെ സജീവമായി ഇടപെടുന്നുണ്ട്. ബി.സി.സിഐ വൈസ് പ്രസിഡന്റ് ടി.സി മാത്യുവുമായി ശ്രീശാന്ത് ഇന്നലെ കൂടിക്കാഴ്ച്ച നടത്തിയിരുന്നു. രഞ്ജി ട്രോഫിയില്‍ കേരളത്തിന് വേണ്ടി മത്സരിക്കാന്‍ ശ്രീശാന്തിനെ അനുവദിക്കണമെന്നും കെ.സി.എ ബി.സി.സി.ഐയോട് ആവശ്യപ്പെട്ടിട്ടുണ്ട്.