ബി.സി.സി.ഐ പരിശീലകരില്‍ നിന്നും അപേക്ഷ ക്ഷണിയ്ക്കുന്നു; രവി ശാസ്ത്രിയ്ക്ക് വീണ്ടും അപേക്ഷിക്കേണ്ടി വരും
സ്പോര്‍ട്സ് ഡെസ്‌ക്
Monday, 15th July 2019, 9:14 pm
ന്യൂദല്‍ഹി: ഹെഡ് കോച്ച് ഉള്‍പ്പെടെ ഇന്ത്യന്‍ ടീമിന്റെ പരിശീലക സംഘത്തിലേക്ക് ബി.സി.സി.ഐ പുതിയ ആളുകളെ ക്ഷണിയ്ക്കും. ലോകകപ്പിന് ശേഷം രവിശാസ്ത്രിയ്ക്കും സഞ്ജയ് ബംഗാറിനും ഭാരത് അരുണിനും ആര്‍. ശ്രീധറിനും ബി.സി.സി.ഐ 45 ദിവസത്തേക്ക് കൂടി കാലാവധി നീട്ടി നല്‍കിയിരുന്നു. വെസ്റ്റിന്‍ഡീസുമായുള്ള പരമ്പര കഴിയുന്നത് വരെയാണിത്.
രവിശാസ്ത്രിയ്ക്കും മറ്റു സപ്പോര്‍ട്ട് സ്റ്റാഫിനും വീണ്ടും അപേക്ഷിക്കാനുള്ള അവസരമുണ്ട്. പക്ഷെ ഫിസിയോയായിരുന്ന പാട്രിക് ഫര്‍ഹാര്‍ട്ടും ട്രെയിനറായിരുന്ന ശങ്കര്‍ ബസുവും ടീമില്‍ നിന്നും പോയതിനാല്‍ പുതിയ ആളുകളെ തന്നെ നിയമിക്കേണ്ടി വരും.
