ലെവന്‍ഡോസ്‌കിക്ക് പകരം ടീമില്‍ മറ്റൊരു സൂപ്പര്‍താരത്തെ എത്തിക്കാന്‍ ശ്രമിക്കുമെന്ന് ബയേണ്‍; റൊണാള്‍ഡൊ പരിഗണനയിലില്ല
സ്പോര്‍ട്സ് ഡെസ്‌ക്
Sunday, 17th July 2022, 9:54 pm
കഴിഞ്ഞ ദിവസമാണ് സൂപ്പര്‍ സ്ട്രൈക്കര് റോബര്‍ട്ട് ലെവന്‍ഡോസ്‌കി ബയേണ്‍ മ്യൂണിക്കില്‍ നിന്നും ബാഴ്‌സയിലേക്ക് കൂടുമാറിയെന്ന വാര്‍ത്തകള്‍ വന്നത്. ബയേണ്‍ മ്യൂണിക്കിന്റെ സി.ഇ.ഒ ഒലിവര്‍ ഖാന്‍ ഇക്കാര്യം സ്ഥിരീകരിച്ചിരുന്നു.
ഇതിന് പിന്നാലെ താരത്തിന് പകരം മറ്റൊരു സ്‌ട്രൈക്കറെ ബയേണ്‍ നോക്കുന്നെന്ന വാര്‍ത്തകള്‍ വന്നത്. സൂപ്പര്‍ താരം ക്രിസ്റ്റിയാനൊ റൊണാള്‍ഡോയുടെ ഏജന്റ് ബയേണുമായി സംസാരിച്ചിരുന്നുവെന്നും എന്നാല്‍ ബയേണിന് താല്‍പര്യമില്ലെന്ന റിപ്പോര്‍ട്ടുകള്‍ നേരത്തെ വന്നിരുന്നു.
ഇപ്പോഴിതാ ലെവയ്ക്ക് പകരം ടീം നോക്കുന്ന സ്‌ട്രൈക്കറെ കുറിച്ച് സംസാരിക്കുവാണ് ഒലിവര്‍ ഖാന്‍.
ടോട്ടന്‍ഹാം ഹോട്‌സ്പുര്‍ സ്ട്രൈക്കര് ഹാരി കെയ്ന്‍ ലെവന്‍ഡോസ്‌കിക്ക് പകരക്കാരനായി എത്തുമോയെന്ന ചോദ്യത്തോട് പോസീറ്റീവായാണ് താരം സംസാരിച്ചത്.
