ആന അലറുന്നത് കണ്ട് അണ്ണാന്‍ അലറിയാല്‍ ഇങ്ങനെ ഇരിക്കും; റൂട്ടിനെ അനുകരിച്ച് വിക്കറ്റിന് മുകളില്‍ മറിഞ്ഞു വീണ് പാവം ബാറ്റര്‍; വീഡിയോ
സ്പോര്‍ട്സ് ഡെസ്‌ക്
Friday, 15th July 2022, 5:47 pm
ക്രിക്കറ്റ് ലോകം കണ്ട ഏറ്റവും മികച്ച ബാറ്റര്‍മാരിവല്‍ ഒരാളാണ് ഇംഗ്ലണ്ടിന്റെ ജോ റൂട്ട്. ക്ലാസിക് ബാറ്റിങ് സ്‌കില്ലുകളും ടെക്സ്റ്റ് ബുക്ക് ഡെഫനിഷന്‍ ഷോട്ടുകളുമായി കളം നിറഞ്ഞാടുന്ന റൂട്ടിനെ കാണാന്‍ തന്നെ ഒരു ആനച്ചന്തമാണ്.
വ്യത്യസ്തമായ ക്ലാസിക് ഷോട്ടുകള്‍ അനായാസം കളിക്കാന്‍ സാധിക്കുന്ന താരമാണ് റൂട്ട്. ജോ റൂട്ട് എന്ന താരത്തെ പോലെ തന്നെ റൂട്ടിന്റെ റിവേഴ്‌സ് സ്വീപ്പിനും തന്നെ ആരാധകര്‍ ഏറെയാണ്. ബൗളറെയും ഫീല്‍ഡര്‍മാരെയും നിഷ്പ്രഭനാക്കിയുള്ള റൂട്ടിന്റെ ഓരോ ഷോട്ടും ക്ലാസിക് തന്നെയാണ്.
ഇപ്പോഴിതാ, റൂട്ടിനെ അനുകരിക്കാന്‍ ശ്രമിച്ച് പരാജയപ്പെട്ട ഒരു ബാറ്ററുടെ വീഡിയോ ആണ് സോഷ്യല്‍ മീഡിയയില്‍ വൈറലാവുന്നത്. നെറ്റ്‌സില്‍ പ്രാക്ടീസ് നടത്തവെ ജോ റൂട്ടിന്റെ റിവേഴ്‌സ് സ്‌കൂപ് അനുകരിക്കാന്‍ ശ്രമിച്ചാണ് താരം പണിവാങ്ങിക്കൂട്ടിയത്.
