തുടക്കം മുതല്‍ ദേ ഇപ്പൊ വരെ ഞങ്ങളുടെ കൂടെ നിന്നതിന്, ഞങ്ങളുടെ മിന്നല്‍ മുരളിയെ നമ്മുടെ മിന്നല്‍ മുരളി ആക്കിയതിന്, ഒരുപാട് നന്ദി: ടൊവിനോ
എന്റര്‍ടെയിന്‍മെന്റ് ഡെസ്‌ക്
Friday, 24th December 2021, 5:18 pm
മിന്നല്‍ മുരളിയുടെ റിലീസിന് പിന്നാലെ പടം കണ്ട നിരവധി ആളുകളാണ് അഭിപ്രായങ്ങളുമായി എത്തുന്നത്. മികച്ച പ്രതികരണമാണ് ചിത്രത്തിന് ലഭിക്കുന്നത്.
ഇപ്പോഴിതാ മിന്നല്‍ മുരളിയെ സ്വീകരിച്ച പ്രേക്ഷകരോട് നന്ദി അറിയിച്ചിരിക്കുകയാണ് ടൊവിനോ തോമസ്. ‘എല്ലാവരോടും നന്ദി’ എന്നാണ് താരം ഇന്‍സ്റ്റഗ്രാമില്‍ കുറിച്ചിരിക്കുന്നത്.
‘തുടക്കം മുതല്‍ ദേ ഇപ്പൊ വരെ ഞങ്ങളുടെ കൂടെ നിന്നതിന്. ഞങ്ങളുടെ മിന്നല്‍ മുരളിയെ നമ്മുടെ മിന്നല്‍ മുരളി ആക്കിയതിന് ! ഒരുപാട് നന്ദി അതിലേറെ സ്‌നേഹം’, എന്നാണ് ടൊവിനോ പറഞ്ഞത്.
സംവിധായകന്‍ ബേസില്‍ ജോസഫിന് ഒപ്പമുള്ള ചിത്രവും ടൊവിനോ ഇതിനോടൊപ്പം പോസ്റ്റ് ചെയ്തിട്ടുണ്ട്. ബേസില്‍ ജോസഫും ചിത്രം ഇരുകൈയും നീട്ടി സ്വീകരിച്ച പ്രേക്ഷകര്‍ക്ക് നന്ദി അറിയിച്ചിട്ടുണ്ട്.
