മുംബൈ: അനുരാഗ് ബസുവിന്റെ ഏറ്റവും പുതിയ ചിത്രമായ “ബര്‍ഫി ” അടുത്തമാസം ആരംഭിക്കുന്ന ബുസാന്‍ ഫിലിം ഫെസ്റ്റിവലില്‍ പ്രദര്‍ശിപ്പിക്കും. സംവിധായകനായ അനുരാഗ് ബസു തന്നെയാണ് ഈ വിവരം മാധ്യമങ്ങളെ അറിയിച്ചത്.
“ബര്‍ഫി ആരാധകര്‍ക്കും അണിയറപ്രവര്‍ത്തകര്‍ക്കും ഒരു സന്തോഷവാര്‍ത്ത. ബുസാന്‍ ഫിലിം ഫെസ്റ്റിവലില്‍ നമുക്ക് നറുക്ക് വീണു. യു.ടി.വിക്ക് നന്ദി.” അനുരാഗിന്റെ ട്വീറ്റ്.[]
അനുരാഗ് ബസു സംവിധാനം ചെയ്യുന്ന ചിത്രത്തില്‍ ആദ്യമായി “യു” സര്‍ട്ടിഫിക്കറ്റ് കിട്ടുന്ന ചിത്രവും ബര്‍ഫിയാണ്. മര്‍ഡര്‍, ഗാങ്‌സറ്റര്‍, ലൈഫ് ഇന്‍ എ മെട്രോ എന്നിവയാണ് അനുരാഗ് സംവിധാനം ചെയ്ത മറ്റ് ചിത്രങ്ങള്‍.
റണ്‍ബീര്‍ കപൂര്‍, പ്രിയങ്കാ ചോപ്ര, ഇല്യാന ഡിക്രൂസ് എന്നിവരാണ് ബര്‍ഫിയിലെ പ്രധാന താരങ്ങളെ അവതരിപ്പിക്കുന്നത്. സെപ്റ്റംബര്‍ പതിനാലിന് ചിത്രം തിയേറ്ററുകളിലെത്തും.