യുവേഫ ചാമ്പ്യന്‍സ് ലീഗ് ക്വാര്‍ട്ടര്‍ ഫൈനലിലെ ആദ്യ പാദത്തില്‍ പാരീസ് സെയ്ന്റ് ജെര്‍മെനെതിരെ ബാഴ്‌സലോണയ്ക്ക് ആവേശകരമായ വിജയം. ഫ്രഞ്ച് വമ്പന്‍മാരെ രണ്ടിനെതിരെ മൂന്ന് ഗോളുകള്‍ക്കാണ് ബാഴ്‌സലോണ പരാജയപ്പെടുത്തിയത്.
ജയത്തോടൊപ്പം മത്സരത്തില്‍ ഒരു ചരിത്രംനേട്ടം സ്വന്തമാക്കിയിരിക്കുകയാണ് ബാഴ്‌സലോണ താരം പൊ കുബാര്‍സി. ചാമ്പ്യന്‍സ് ലീഗിന്റെ ചരിത്രത്തില്‍ ക്വാര്‍ട്ടര്‍ ഫൈനല്‍ കളിക്കുന്ന ഏറ്റവും പ്രായം കുറഞ്ഞ ഡിഫന്‍ഡര്‍ എന്ന നേട്ടമാണ് പൊ കുബാര്‍സി സ്വന്തമാക്കിയത്. 17 വയസും 79 ദിവസവും പ്രായമുള്ളപ്പോഴാണ് പൊ കുബാര്‍സി കറ്റാലന്‍മാര്‍ക്ക് വേണ്ടി കളത്തിലിറങ്ങിയത്.
രണ്ടാം പകുതിയിലായിരുന്നു മത്സരം കൂടുതല്‍ ആവേശകരമായി മാറിയത്. 48ാം മിനിട്ടില്‍ ഉസ്മാനെ ഡെമ്പലയിലൂടെ ഹോം ടീം മറുപടി ഗോള്‍ നേടുകയായിരുന്നു. രണ്ട് മിനിട്ടുകള്‍ക്ക് ശേഷം വിറ്റിന്‍ഹയിലൂടെ പാരീസ് വീണ്ടും മുന്നിലെത്തി. 62ാം മിനിട്ടില്‍ റാഫിഞ്ഞോ വീണ്ടും ബാഴ്‌സലോണയെ മത്സരത്തില്‍ ഒപ്പം എത്തിച്ചു. 77ാം മിനിട്ടില്‍ ആന്‍ഡ്രേസ് ക്രിസ്റ്റന്‍സന്‍ ആണ് സന്ദര്‍ശകര്‍ക്കായി വിജയഗോള്‍ നേടിയത്.
