കരീബിയന്‍ പ്രീമിയര്‍ ലീഗിന്റെ പുതിയ സീസണിന് മുന്നോടിയായി സൂപ്പര്‍ താരങ്ങളെ നിലനിര്‍ത്തി ബാര്‍ബഡോസ് റോയല്‍സ്. ബാര്‍ബഡോസിന്റെ റിറ്റെന്‍ഷന്‍ ലിസ്റ്റ് രാജസ്ഥാന്‍ റോയല്‍സ് തങ്ങളുടെ ഔദ്യോഗിക സോഷ്യല്‍ മീഡിയ പ്ലാറ്റ്‌ഫോമുകള്‍ വഴി പങ്കുവെച്ചിട്ടുണ്ട്.
രാജസ്ഥാന്‍ റോയല്‍സിന്റെ സി.പി.എല്‍ കൗണ്ടര്‍പാര്‍ട്ടാണ് ബാര്‍ബഡോസ് റോയല്‍സ്. നേരത്തെ ബാര്‍ബഡോസ് ട്രൈന്‍ഡന്റ്‌സ് എന്ന ടീമിനെ രാജസ്ഥാന്‍ റോയല്‍സിന്റെ ഉടമകള്‍ സ്വന്തമാക്കിയതോടെയാണ് ബാര്‍ബഡോസ് റോയല്‍സ് എന്ന് പേര് മാറ്റുകയായിരുന്നു.
കഴിഞ്ഞ സീസണില്‍ കൈവിട്ട കിരീടം തിരിച്ചുപിടിക്കുക എന്ന ഉദ്ദേശത്തോടെയാണ് റോയല്‍സ് പുതിയ സീസണിനൊരുങ്ങുന്നത്. ഇതിന്റെ ഭാഗമായാണ് ടീം നിലനിര്‍ത്തിയ താരങ്ങളുടെ പട്ടിക പുറത്തുവിട്ടത്.
ആഗസ്റ്റ് 17നാണ് സി.പി.എല്‍ 2023ന് തുടക്കമാകുന്നത്. നിലവിലെ ചാമ്പ്യന്‍മാരായ ജമൈക്ക താലവാസും സെന്റ് ലൂസിയ കിങ്‌സുമാണ് ഉദ്ഘാടന മത്സരത്തില്‍ ഏറ്റുമുട്ടുക. തൊട്ടടുത്ത ദിവസമാണ് റോയല്‍സിന്റെ അടുത്ത മത്സരം. സെന്റ് ലൂസിയ കിങ്‌സ് തന്നെയാണ് എതിരാളികള്‍.
സി.പി.എല്‍ 2023 ടീമുകള്‍
ജമൈക്ക താലവാസ്, സെന്റ് ലൂസിയ കിങ്‌സ്, ബാര്‍ബഡോസ് റോയല്‍സ്, സെന്റ് കീത്‌സ് ആന്‍ഡ് നെവിസ് പേട്രിയറ്റ്‌സ്, ട്രിബാംഗോ നൈറ്റ് റൈഡേഴ്‌സ്, ആമസോണ്‍ ഗയാന വാറിയേഴ്‌സ്.
Content Highlight: Barbados Royals announced retained players names
