മോദിയുടെ ബംഗ്ലാദേശ് സന്ദര്‍ശനത്തിനിടെ നടന്ന ആക്രമണത്തില്‍ പങ്കുണ്ടെന്നാരോപിച്ച് ജമാ അത്തെ ഇസ്‌ലാമി ഗ്രൂപ്പ് നേതാവിനെ അറസ്റ്റ് ചെയ്തു
ഡൂള്‍ന്യൂസ് ഡെസ്‌ക്
Sunday, 16th May 2021, 11:24 pm
ധാക്ക: ഇന്ത്യന്‍ പ്രധാനമന്ത്രി നരേന്ദ്ര മോദയുടെ സന്ദര്‍ശന വേളയില്‍ അക്രമത്തിന് പ്രേരിപ്പിച്ചെന്നാരോപിച്ച് ബംഗ്ലാദേശില്‍ ജമാ അത്തെ ഇസ്‌ലാമി ഗ്രൂപ്പിലെ മുതിര്‍ന്ന നേതാവിനെ ബംഗ്ലാദേശില്‍ അറസ്റ്റ് ചെയ്തതായി റിപ്പോര്‍ട്ട്.
മുന്‍ എം.പി കൂടിയായ ഷാജഹാന്‍ ചൗധരിയെയാണ് ശനിയാഴ്ച ചട്ടോഗ്രാമിലെ ഹതസാരി പ്രദേശത്ത് നിന്ന് അറസ്റ്റുചെയ്തത്.
മോദിയുടെ രണ്ടു ദിവസത്തെ സന്ദര്‍ശനത്തിനിടെയായിരുന്നു ധാക്കയില്‍ പ്രതിഷേധം നടന്നത്.
പ്രതിഷേധവുമായി ബന്ധപ്പെട്ട് നേരത്തെ ഇസ്ലാമിക ഗ്രൂപ്പിന്റെ പ്രമുഖ നേതാവ് ഉള്‍പ്പെടെ നൂറുകണക്കിന് അംഗങ്ങളെ അറസ്റ്റ് ചെയ്തതായി അധികൃതര്‍ അറിയിച്ചിരുന്നു.
