പാരീസില്‍ നടന്ന സൗഹൃദ മത്സരത്തിനിടെ ബ്രസീല്‍ താരം റിച്ചാര്ലിസന് നേരെ ഗാലറിയില്‍ നിന്ന് പഴമേറ്. ടുണീഷ്യക്കെതിരെ നടന്ന മത്സരത്തിനിടെയാണ് വാഴപ്പഴമെറിഞ്ഞ് താരത്തെ അധിക്ഷേപിച്ചത്.
മത്സരത്തില്‍ ടുണീഷ്യക്കെതിരെ ഗോള്‍ നേടിയതിന് തൊട്ടുപിന്നാലെയാണ് സംഭവം. സഹതാരങ്ങളോടൊപ്പം കോര്‍ണര്‍ ഫ്ളാഗിന്റെ സമീപം ഗോള്‍ ആഘോഷിക്കുന്നതിനിടെയാണ് കാണികള്‍ ഗാലറിയില്‍ നിന്ന് പഴം വലിച്ചെറിഞ്ഞത്. തുടര്‍ന്ന് ബ്രസീലിയന്‍ മിഡ് ഫീല്‍ഡര്‍ വാഴപ്പഴം തട്ടിയകറ്റുന്നതായി ദൃശ്യങ്ങളില്‍ കാണാം.
അഞ്ച് തവണ ലോക ചാമ്പ്യന്‍മാരായ ടീം, മത്സരം ആരംഭിക്കുന്നതിന് മുന്നോടിയായി വംശീയ വിരുദ്ധ ബാനറുമായി ഫോട്ടോസിന് പോസ് ചെയ്തിരുന്നു.
‘ഞങ്ങളുടെ കറുത്ത താരങ്ങള്‍ ഇല്ലായിരുന്നുവെങ്കില്‍ ഞങ്ങളുടെ ജേഴ്‌സിയില്‍ നക്ഷത്രങ്ങള്‍ ഉണ്ടാകുമായിരുന്നില്ല,” എന്ന ബാനറുമായാണ് ബ്രസീലിയന്‍ ടീം കളത്തിലിറങ്ങിയത്.
സംഭവത്തില്‍ നിരവധി ഫുട്‌ബോള്‍ ആരാധകരാണ് പ്രതിഷേധമറിയിച്ച് രംഗത്തെത്തിയത്. ഇത് നാണക്കേടാണെന്നും ഇത്തരത്തിലുള്ള കാഴ്ച കാണേണ്ടി വരുന്നത് പരിതാപകരവുമാണെന്നാണ് ബ്രസീലിയന്‍ ക്യാപ്റ്റന്‍ തിയാഗോ സില്‍വ പ്രതികരിച്ചത്.
Richarlison scoring for Brazil today against Tunisia and a banana was thrown in front of him during the celebrations. Sickening stuff and no need for these type of racist fans at matches. pic.twitter.com/DQlKIBcMTm
— Roberto Rojas (@RobertoRojas97) September 27, 2022
