തെക്കന്‍ കേരളത്തില്‍ ആഗസ്റ്റ് 12ന് ബലിപെരുന്നാള്‍, വടക്കന്‍ കേരളത്തില്‍ തീരുമാനമായില്ല
ഡൂള്‍ന്യൂസ് ഡെസ്‌ക്
Friday, 2nd August 2019, 9:52 pm
കൊല്ലം: തെക്കന്‍ കേരളത്തില്‍ ആഗസ്റ്റ് 12ന് ബലിപെരുന്നാള്‍. കൊല്ലത്ത് മാസപ്പിറവി കണ്ടതിന്റെ അടിസ്ഥാനത്തില്‍ പാളയം ഇമാം വി.പി സുഹൈബ് മൗലവിയാണ് പെരുന്നാള്‍ പ്രഖ്യാപിച്ചത്. ദക്ഷിണ കേരള ജംഇയ്യത്തുല്‍ ഉലമയും ഹിലാല്‍ കമ്മറ്റിയും 12നു പെരുന്നാള്‍ പ്രഖ്യാപിച്ചിട്ടുണ്ട്.
എറണാകുളത്ത് മാസപ്പിറവി കണ്ടതായി കാന്തപുരം എ.പി. അബൂബക്കര്‍ മുസ്ലിയാരും അറിയിച്ചു. നാളെ ദുല്‍ഹജ്ജ് ഒന്നായി പരിഗണിച്ചാണ് പെരുന്നാള്‍ പ്രഖ്യാപനം. വടക്കന്‍ കേരളത്തില്‍ തീരുമാനമായിട്ടില്ല.
