പീഡനക്കേസില്‍ ജാമ്യ വ്യവസ്ഥ ലംഘിച്ചു; മാഞ്ചസ്റ്റര്‍ യുണൈറ്റഡ് ഫുട്‌ബോളറെ അറസ്റ്റ് ചെയ്തു
ഡൂള്‍ന്യൂസ് ഡെസ്‌ക്
Saturday, 15th October 2022, 11:04 pm
പീഡനക്കേസില്‍ ജാമ്യ വ്യവസ്ഥകള്‍ ലംഘിച്ചതിനെ തുടര്‍ന്ന് മാഞ്ചസ്റ്റര്‍ യുണൈറ്റഡ് ഫുട്ബോളര്‍ മേസണ്‍ ഗ്രീന്‍വുഡിനെ ബ്രിട്ടീഷ് പൊലീസ് അറസ്റ്റ് ചെയ്തു.
ശനിയാഴ്ച രാവിലെയാണ് 21 കാരനായ മേസണ്‍ ഗ്രീന്‍വുഡിനെ പൊലീസ് അറസ്റ്റ് ചെയ്തത്. തിങ്കളാഴ്ച കോടതിയില്‍ ഹാജരാക്കും. ദി ഗാര്‍ഡിയനാണ് ഇതുസംബന്ധിച്ച വാര്‍ത്ത റിപ്പോര്‍ട്ട് ചെയ്യുന്നത്. ലൈംഗികാതിക്രമത്തിനും വധഭീഷണിക്കുമാണ് ഗ്രീന്‍വുഡിനെതിരേ കേസെടുത്തിരിക്കുന്നത്.
വധഭീഷണി മുഴക്കിയെന്ന ആരോപണത്തിലും പൊലീസ് ഇദ്ദേഹത്തെ ചോദ്യം ചെയ്തിരുന്നു. ഇതിനു പിന്നാലെയാണ് ജാമ്യവ്യവസ്ഥകള്‍ ലംഘിച്ചതായി മനസിലാക്കിയിട്ടുണ്ടെന്ന് ചൂട്ടിക്കാണിച്ച് അറസ്റ്റ് ചെയ്യുന്നത്.
