ബഹ്‌റൈനില്‍ ഡിസംബര്‍ 19 മുതല്‍ കൊവിഡ് യെല്ലോ അലേര്‍ട്ട്; ജനങ്ങള്‍ ഉടന്‍ ബൂസ്റ്റര്‍ ഡോസ് സ്വീകരിക്കണമെന്ന് നാഷണല്‍ മെഡിക്കല്‍ ടാസ്‌ക് ഫോഴ്‌സ്
ഡൂള്‍ന്യൂസ് ഡെസ്‌ക്
Wednesday, 15th December 2021, 5:54 pm
മനാമ: കൊവിഡിന്റെ ഒമിക്രോണ്‍ വകഭേദം ലോകത്ത് അതിവേഗം പടരുന്ന സാഹചര്യത്തില്‍ മുന്‍കരുതല്‍ നടപടികളിലേക്ക് കടന്ന് ബഹ്‌റൈന്‍. ഈ വരുന്ന ഡിസംബര്‍ 19 മുതല്‍ കൊറോണ വൈറസ് യെല്ലോ അലേര്‍ട്ട് പ്രഖ്യാപിക്കാന്‍ രാജ്യം തീരുമാനിച്ചതായാണ് റിപ്പോര്‍ട്ട്.
നിലവിലെ സാഹചര്യത്തില്‍ 2022 ജനുവരി 31 വരെയാണ് യെല്ലോ അലേര്‍ട്ട് പ്രഖ്യാപിച്ചിരിക്കുന്നത്.
കൊവിഡ് പോസിറ്റീവായി ഐ.സി.യുകളില്‍ കിടക്കുന്നവരുടെ ശരാശരി എണ്ണം ഏഴ് ദിവസത്തേക്ക് 51നും 100നും ഇടയിലാകുമ്പോഴാണ് യെല്ലോ അലേര്‍ട്ട് പ്രഖ്യാപിക്കാറ്.
ജനങ്ങളുടെ ആരോഗ്യത്തിന് മുന്‍ഗണന കൊടുത്തുകൊണ്ടുള്ള ബഹ്‌റൈന്റെ നിലപാടിന്റെ ഭാഗമായാണ് പുതിയ നടപടികള്‍ സ്വീകരിച്ചിരിക്കുന്നതെന്ന് കൊവിഡ് പ്രതിരോധ ചുമതലയുള്ള നാഷണല്‍ മെഡിക്കല്‍ ടാസ്‌ക് ഫോഴ്‌സ് അറിയിച്ചു.
