'നിങ്ങള്‍ മുട്ടയെറിഞ്ഞാല്‍ ഞാന്‍ അത് വച്ച് ഓംലെറ്റ് ഉണ്ടാക്കും'; പ്രതിഷേധക്കാരോട് കേന്ദ്ര മന്ത്രി ബാബുല്‍ സുപ്രിയോ
ഭുവനേശ്വര്‍: മുട്ടയെറിയുന്ന പ്രതിഷേധക്കാരോട് താന്‍ അതുപയോഗിച്ച് ഓംലെറ്റ് ഉണ്ടാക്കി കഴിക്കുമെന്ന് കേന്ദ്രമന്ത്രി ബാബുല്‍ സുപ്രിയോ. ഒഡീഷ സന്ദര്‍ശനത്തിനിടെ തനിക്കെതിരെയുണ്ടായ പ്രതിഷേധങ്ങളോടാണ് ബംഗാളില്‍ നിന്നുള്ള ബി.ജെ.പി എം.പിയായ ബാബുല്‍ ഇത്തരത്തില്‍ പ്രതികരിച്ചത്.
Also read സ്വാമിയുടെ ജനനേന്ദ്രിയം മുറിച്ച സംഭവം; ചാനല്‍ ലൈവില്‍ പെണ്‍കുട്ടിയുടെ ഫോണ്‍ നമ്പര്‍ വെളിപ്പെടുത്തി പ്രതിഭാഗം വക്കീല്‍
കഴിഞ്ഞ ദിവസം ഒഡീഷ സന്ദര്ശനത്തിനെത്തിയ മന്ത്രിക്ക് നേരെ കോണ്‍ഗ്രസ് ബി.ജെ.ഡി പ്രവര്ത്തകരായിരുന്നു പ്രതിഷേധവുമായി എത്തിയത്. മഹാനദി ജലതര്ക്കത്തെ തുടര്ന്ന് മന്ത്രിയുടെ സന്ദര്ശനത്തോട് എതിര്പ്പുമായെത്തിയ പ്രവര്‍ത്തകര്‍ ഒഡീഷയിലെ കേന്ദ്രപര ജില്ലയില് നിന്നാണ് മുട്ടയെറിഞ്ഞ് മന്ത്രിയെ സ്വീകരിച്ചത്.
ബി.ജെ.ഡി പ്രവര്‍ത്തകരായിരുന്ന മന്ത്രിയുടെ വാഹനത്തിലേക്ക് മുട്ട എറിഞ്ഞത്. കോണ്‍ഗ്രസ് പ്രവര്‍ത്തകര്‍ കരിങ്കൊടി കാട്ടി പ്രതിഷേധിക്കുകയും ചെയ്തു. ഇതിനെതിരെ പ്രതികരിക്കവേയാണ് മന്ത്രി താന്‍ വെജിറ്റേറിയന്‍ അല്ലെന്നും മുട്ടയെറിഞ്ഞാല്‍ അതുപയോഗിച്ച് ഓംലെറ്റ് ഉണ്ടാക്കുമെന്നും പറഞ്ഞത്.
“ബി.ജെ.ഡി, കോണ്‍ഗ്രസ് പ്രവര്‍ത്തകര്‍ എനിക്കു നേരെ മുട്ടയെറിഞ്ഞതായി കേട്ടു. ഞാനൊരു വെജിറ്റേറിയനല്ല. ഞാന്‍ അവ ഉപയോഗിച്ച് ഓംലെറ്റ് ഉണ്ടാക്കി കഴിക്കും” സുപ്രിയോ പറഞ്ഞു.
Dont miss സിനിമയിലെ ആണുങ്ങളോട് കളിച്ചതിന്റെ പേരില്‍ പലര്‍ക്കും അവസരങ്ങള്‍ നഷ്ടമാകുന്നു: റിമ കല്ലിങ്കല്‍
“ഒഡീഷയിലും മോശം രാഷ്ട്രീയസാഹചര്യമുള്ള പശ്ചിമബംഗാളില് നിന്നാണ് ഞാന്‍ വരുന്നത്. അതുകൊണ്ടുതന്നെ ആര്ക്കുമെന്നെ ഇവിടെ ഭയപ്പെടുത്താനാവില്ല. കേന്ദ്രസര്ക്കാരിന്റെ ജനക്ഷേമ പദ്ധതികള് ജനങ്ങളിലേക്ക് എത്തുന്നത് തടയുന്നതിനാണ് കോണ്ഗ്രസും ബി.ജെ.ഡിയും ഇതുപോലുള്ള പ്രശ്നങ്ങളുണ്ടാക്കുന്നത്” അദ്ദേഹം ആരോപിച്ചു.
