ബാബു ആന്റണി, മകന്‍ ആര്‍തര്‍ ബാബു ആന്റണി, ലോകപ്രശസ്ത ഗുസ്തി താരവും അമേരിക്കന്‍ ചലച്ചിത്രങ്ങളിലെ വില്ലന്‍ കഥാപാത്രങ്ങളിലൂടെ ശ്രദ്ധേയനായ ചാള്‍സ് ടെയ്ലര്‍ എന്നിവര്‍ കേന്ദ്ര കഥാപാത്രമാകുന്ന പാന്‍ ഇന്ത്യന്‍ മൂവിയായ ‘ദ ഗ്രേറ്റ് എസ്‌കേപ്പ് തമിഴ്, തെലുങ്ക്, കന്നട, ഹിന്ദി, മലയാളം ഭാഷകളിലൂടെ വീണ്ടും പ്രേക്ഷകരിലേക്ക് എത്തുന്നു.
മലയാളത്തില്‍ നേരത്തെ റിലീസ് ചെയ്ത ചിത്രമാണ് കൂടുതല്‍ ദൃശ്യമികവോടെയും പുതുമകളോടെയും അവതരിപ്പിക്കുന്നതെന്ന് അണിയറ പ്രവര്‍ത്തകര്‍ പറഞ്ഞു. വിവിധ ഭാഷകളിലേക്കുള്ള മൊഴിമാറ്റനടപടികള്‍ ആരംഭിച്ചതായി ചിത്രത്തിന്റെ അണിയറ പ്രവര്‍ത്തകര്‍ വ്യക്തമാക്കി. അമേരിക്കയിലെ ചലച്ചിത്ര പ്രവര്‍ത്തകനായ സന്ദീപ് ജെ. എല്‍. ആണ് ഈ ചിത്രം സംവിധാനം ചെയ്തിരിക്കുന്നത്.
വിവിധ ഭാഷകളില്‍ ഒരുങ്ങുന്ന ദ ഗ്രേറ്റ് എസ്‌കേപ്പിന്റെ വിതരണാവകാശം തേടുന്നതായും അണിയറപ്രവര്‍ത്തകര്‍ അറിയിച്ചു. താല്‍പര്യമുള്ള ഏജന്‍സികള്‍ക്ക് ബന്ധപ്പെടാവുന്നതാണെന്നും അണിയറപ്രവര്‍ത്തകര്‍ വ്യക്തമാക്കി
ബാബു ആന്റണിയും മകന്‍ ആര്‍തര്‍ ആന്റണിയും, ആദ്യമായി ഒന്നിക്കുന്ന ചിത്രം കൂടിയാണ് ദ ഗ്രേറ്റ് എസ്‌കേപ്പ്. പ്രമുഖ തമിഴ് താരമായ സമ്പത്ത് റാം, അമേരിക്കന്‍ ചലച്ചിത്ര താരം റോക്ക് വില്യംസ്, ബാബു ആന്റണിയുടെ ഭാര്യ ഇവ്ഗനിയ, മകന്‍ അല്ക്സ് ആന്റണി എന്നിവരും ചിത്രത്തിലെ അഭിനേതാക്കളാണ്. ചിത്രം പൂര്‍ണ്ണമായും അമേരിക്കയിലാണ് ചിത്രീകരിച്ചത്.
Content Highlight: Babu Antony’s ‘The Great Escape’ is coming back in five Indian languages