ബാബു ആന്റണി ചിത്രം ദ ഗ്രേറ്റ് എസ്‌കേപ്പ് അഞ്ച് ഇന്ത്യന്‍ ഭാഷകളില്‍ വീണ്ടും വരുന്നു
എന്റര്‍ടെയിന്‍മെന്റ് ഡെസ്‌ക്
Friday, 16th June 2023, 10:51 am
ബാബു ആന്റണി, മകന്‍ ആര്‍തര്‍ ബാബു ആന്റണി, ലോകപ്രശസ്ത ഗുസ്തി താരവും അമേരിക്കന്‍ ചലച്ചിത്രങ്ങളിലെ വില്ലന്‍ കഥാപാത്രങ്ങളിലൂടെ ശ്രദ്ധേയനായ ചാള്‍സ് ടെയ്ലര്‍ എന്നിവര്‍ കേന്ദ്ര കഥാപാത്രമാകുന്ന പാന്‍ ഇന്ത്യന്‍ മൂവിയായ ‘ദ ഗ്രേറ്റ് എസ്‌കേപ്പ് തമിഴ്, തെലുങ്ക്, കന്നട, ഹിന്ദി, മലയാളം ഭാഷകളിലൂടെ വീണ്ടും പ്രേക്ഷകരിലേക്ക് എത്തുന്നു.
മലയാളത്തില്‍ നേരത്തെ റിലീസ് ചെയ്ത ചിത്രമാണ് കൂടുതല്‍ ദൃശ്യമികവോടെയും പുതുമകളോടെയും അവതരിപ്പിക്കുന്നതെന്ന് അണിയറ പ്രവര്‍ത്തകര്‍ പറഞ്ഞു. വിവിധ ഭാഷകളിലേക്കുള്ള മൊഴിമാറ്റനടപടികള്‍ ആരംഭിച്ചതായി ചിത്രത്തിന്റെ അണിയറ പ്രവര്‍ത്തകര്‍ വ്യക്തമാക്കി. അമേരിക്കയിലെ ചലച്ചിത്ര പ്രവര്‍ത്തകനായ സന്ദീപ് ജെ. എല്‍. ആണ് ഈ ചിത്രം സംവിധാനം ചെയ്തിരിക്കുന്നത്.
