കായിക താരങ്ങളായ ബബിത ഫോഗട്ടിനും യോഗേശ്വര്‍ ദത്തിനും സന്ദീപ് സിങ്ങിനും ടിക്കറ്റ്; ഹരിയാന നിയമസഭാ തെരഞ്ഞെടുപ്പില്‍ ബി.ജെ.പി ആദ്യഘട്ട പട്ടിക പുറത്തിറക്കി
ഡൂള്‍ന്യൂസ് ഡെസ്‌ക്
Monday, 30th September 2019, 5:51 pm
ചണ്ഡീഗഢ്: ഹരിയാന നിയമസഭാ തെരഞ്ഞെടുപ്പില്‍ മത്സരിക്കുന്നതിനായുള്ള ആദ്യ ഘട്ട സ്ഥാനാര്‍ത്ഥി പട്ടിക ബി.ജെ.പി പുറത്തിറക്കി. 78 പേരാണ് പട്ടികയിലുള്ളത്. അടുത്തിടെ ബി.ജെ.പിയില്‍ ചേര്‍ന്ന ഗുസ്തി താരങ്ങളായ യോഗേശ്വര്‍ ദത്തിനും ബബിത ഫോഗട്ടിനും ഇന്ത്യന്‍ മുന്‍ നായകന്‍ സന്ദീപ് സിങ്ങിനും മത്സരിക്കാന്‍ സീറ്റ് നല്‍കിയിട്ടുണ്ട്. മുഖ്യമന്ത്രി മനോഹര്‍ ലാല്‍ ഖട്ടര്‍ 2014ല്‍ ജയിച്ച കര്‍ണാല്‍ സീറ്റില്‍ തന്നെ മത്സരിക്കും.
യോഗേശ്വര്‍ ദത്ത് ബറോഡയിലും ബബിത ഫോഗട്ട് ദാദ്രിയില്‍ നിന്നും സന്ദീപ് സിങ് പെഹോവയില്‍ നിന്നും മത്സരിക്കും.
