തിയേറ്ററില്‍ അഭിപ്രായമെടുക്കുന്നത് വിലക്കിയെന്നത് വ്യാജം, ക്രിസ്റ്റഫറിനെ തകര്‍ക്കുക എന്ന ലക്ഷ്യത്തോടെയുണ്ടാക്കിയ വാര്‍ത്ത: ബി. ഉണ്ണികൃഷ്ണന്‍
എന്റര്‍ടെയിന്‍മെന്റ് ഡെസ്‌ക്
Tuesday, 7th February 2023, 6:57 pm
തിയേറ്ററുകളില്‍ വന്ന് പ്രേക്ഷകരില്‍ നിന്നും അഭിപ്രായം എടുക്കുന്നതിന് സിനിമാ സംഘടന വിലക്കേര്‍പ്പെടുത്തി എന്ന വാര്‍ത്ത വ്യാജമെന്ന് സംവിധായകന്‍ ബി. ഉണ്ണികൃഷ്ണന്‍.
ഈ ആഴ്ച ഇറങ്ങുന്ന ചിത്രങ്ങള്‍ മുതല്‍ തിയേറ്ററുകളില്‍ ഓണ്‍ലൈന്‍ ചാനലുകള്‍ അടക്കം പ്രേക്ഷകരുടെ അഭിപ്രായം ചോദിക്കുന്നത് വിലക്കേര്‍പ്പെടുത്തി സിനിമ സംഘടന എന്ന വാര്‍ത്തയാണ് ഫെഫ്ക ജനറല്‍ സെക്രട്ടറി കൂടിയായ ബി. ഉണ്ണികൃഷ്ണന്റെ ഫോട്ടോ ഉള്‍പ്പെടെ ചേര്‍ത്തുകൊണ്ട് പ്രചരിപ്പിക്കുന്നത്. ഈ വാര്‍ത്ത തികച്ചും വ്യാജമാണെന്നും പ്രചരണത്തിനെതിരെ പരാതി നല്‍കിയിട്ടുണ്ടെന്നും ഉണ്ണികൃഷ്ണന്‍ ഡൂള്‍ന്യൂസിനോട് പറഞ്ഞു.
