കൊച്ചി: ലോക്ക്ഡൗണ്‍ കാലത്ത് ഏറെ ഹിറ്റായ ഗാനമായിരുന്നു നടന് നീരജ് മാധവിന്റെ ‘പണി പാളി’. നിരവധി പേരാണ് പാട്ട് റിലീസ് ചെയ്തതിന് പിന്നാലെ തങ്ങളുടെ വേര്‍ഷന്‍ ഗാനം സോഷ്യല്‍ മീഡിയയില്‍ പങ്കുവെച്ചത്.
ഇപ്പോഴിതാ മിനി സ്‌ക്രീനിലെ ഒരു മിന്നും താരം നീരജിന്റെ പാട്ടുമായി എത്തിയിരിക്കുകയാണ്. ഉപ്പും മുളകും സീരിയലിലെ പാറുകുട്ടിയാണ് നീരജിന്റെ പാട്ട് പാടിയിരിക്കുന്നത്.
സീരിയലിലെ പേരാണ് പാറുകുട്ടിയെങ്കിലും യഥാര്‍ത്ഥപേര് അമേയ എന്നാണ്. പാറുക്കുട്ടിയുടെ പാട്ട് ഇതിനോടകം സോഷ്യല്‍ മീഡിയയില്‍ വൈറലാണ്. കരുനാഗപ്പള്ളി സ്വദേശികളായ അനില്‍ കുമാറിന്റേയും ഗംഗാ ലക്ഷ്മിയുടേയും രണ്ടാമത്തെ മകളാണ് അമേയ.
ജനിച്ച് ആറ് മാസമായത് മുതല്‍ പാറുകുട്ടി ഉപ്പും മുളകും സീരിയലില്‍ അഭിനയിക്കുന്നുണ്ട്. പ്രേക്ഷകര്‍ ഏറ്റെടുത്ത സീരിയലാണ് ഉപ്പും മുളകും. ബാലുവും നീലുവും മുടിയനും കേശുവും ശിവാനിയുമെല്ലാം പ്രേക്ഷകരുടെ ജീവിതത്തിന്റെ ഭാഗമാണ്.
ബിജു സോപാനം, നിഷാ സാരംഗ്, ഋഷി എസ് കുമാര്‍, അല്‍ സാബിത്ത്, ശിവാനി എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. സീരിയല്‍ ഇതിനോടകം ആയിരം എപ്പിസോഡുകള്‍ കഴിഞ്ഞു.
ഡൂള്‍ന്യൂസിനെ ഫേസ്ബുക്ക്, ടെലഗ്രാം,പേജുകളിലൂടെയും വാട്സാപ്പിലൂടെയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക