'അയ്യയ്യോ പണി പാളില്ലോ';നീരജ് മാധവിന്റെ പാട്ടുപാടി ഉപ്പും മുളകിലെയും പാറുകുട്ടി; വീഡിയോ വൈറല്‍
എന്റര്‍ടെയിന്‍മെന്റ് ഡെസ്‌ക്
Friday, 21st August 2020, 10:56 pm
കൊച്ചി: ലോക്ക്ഡൗണ്‍ കാലത്ത് ഏറെ ഹിറ്റായ ഗാനമായിരുന്നു നടന്‍ നീരജ് മാധവിന്റെ ‘പണി പാളി’. നിരവധി പേരാണ് പാട്ട് റിലീസ് ചെയ്തതിന് പിന്നാലെ തങ്ങളുടെ വേര്‍ഷന്‍ ഗാനം സോഷ്യല്‍ മീഡിയയില്‍ പങ്കുവെച്ചത്.
ഇപ്പോഴിതാ മിനി സ്‌ക്രീനിലെ ഒരു മിന്നും താരം നീരജിന്റെ പാട്ടുമായി എത്തിയിരിക്കുകയാണ്. ഉപ്പും മുളകും സീരിയലിലെ പാറുകുട്ടിയാണ് നീരജിന്റെ പാട്ട് പാടിയിരിക്കുന്നത്.
സീരിയലിലെ പേരാണ് പാറുകുട്ടിയെങ്കിലും യഥാര്‍ത്ഥപേര് അമേയ എന്നാണ്. പാറുക്കുട്ടിയുടെ പാട്ട് ഇതിനോടകം സോഷ്യല്‍ മീഡിയയില്‍ വൈറലാണ്. കരുനാഗപ്പള്ളി സ്വദേശികളായ അനില്‍ കുമാറിന്റേയും ഗംഗാ ലക്ഷ്മിയുടേയും രണ്ടാമത്തെ മകളാണ് അമേയ.
