അവസാന ബജറ്റിലും 'പേരിടല്‍' മറക്കാതെ യോഗി സര്‍ക്കാര്‍; അയോധ്യയിലെ പുതിയ വിമാനത്താവളം ശ്രീരാമന്റെ പേരിലറിയപ്പെടുമെന്ന് യോഗി ആദിത്യനാഥ്
ഡൂള്‍ന്യൂസ് ഡെസ്‌ക്
Monday, 22nd February 2021, 6:42 pm
ലക്‌നൗ: അയോധ്യയില്‍ പണികഴിപ്പിക്കുന്ന അന്താരാഷ്ട്ര വിമാനത്താവളത്തിന് ശ്രീരാമന്റെ പേരിടുമെന്ന് യു.പി മുഖ്യമന്ത്രി യോഗി ആദിത്യനാഥ്. മര്യാദാ പുരുഷോത്തം ശ്രീരാം എയര്‍പോര്‍ട്ട് എന്നാകും പുതിയ പേരെന്ന് യോഗി പ്രഖ്യാപിച്ചു.
ബജറ്റ് അവതരണത്തോടനുബന്ധിച്ചായിരുന്നു യോഗിയുടെ പുതിയ പ്രഖ്യാപനം.
അതേസമയം അയോധ്യയില്‍ രാമക്ഷേത്രത്തിനായി 300 കോടി രൂപയാണ് യോഗി സര്‍ക്കാര്‍ ബജറ്റില്‍ വകയിരുത്തിയത്. തിങ്കളാഴ്ച നിയമസഭയില്‍ അവതരിപ്പിച്ച യോഗി സര്‍ക്കാരിന്റെ അവസാന ബജറ്റിലാണ് രാമക്ഷേത്ര നിര്‍മാണത്തിനും പ്രത്യേകമായി തുക വകയിരുത്തിയത്.
