'ഇത് ഇറാന്റെ വിജയം'; ഇബ്രാഹിം റെയ്‌സിയെ അഭിനന്ദിച്ച് ആയത്തുള്ള ഖമേനി
ഡൂള്‍ന്യൂസ് ഡെസ്‌ക്
Saturday, 19th June 2021, 7:19 pm
ബാഗ്ദാദ്: ഇറാന്റെ പുതിയ പ്രസിഡന്റായി അധികാരത്തിലെത്തിയ ഇബ്രാഹിം റെയ്‌സിയെ അഭിനന്ദിച്ച് ആയത്തുള്ള ഖമേനി. റെയ്‌സിയുടെ വിജയം ഇറാന്‍ ജനതയുടെ തന്നെ വിജയമാണെന്നാണ് ഖമേനി പറഞ്ഞത്.
‘ഈ തെരഞ്ഞെടുപ്പ് വിജയം ഇറാന്‍ ജനതയുടെതാണ്. ശത്രുവിന്റെ കൂലിപ്പടയുടെ പ്രചാരണത്തിനിടെയാണ് റെയ്‌സിയുടെ വിജയമെന്നത് പ്രശംസയര്‍ഹിക്കുന്നു,’ ഖമേനി പറഞ്ഞു.
1.78 ലക്ഷം വോട്ടുകള്‍ നേടിയാണ് ഇബ്രാഹിം റെയ്‌സി ഇറാന്റെ പ്രസിഡന്റായി അധികാരത്തിലേറിയത്.
ഇറാന്‍ പ്രസിഡന്റായിരുന്ന ഹസന്‍ റുഹാനി പക്ഷക്കാര്‍ക്ക് തെരഞ്ഞെടുപ്പ് കമ്മീഷന്‍ വിലക്കേര്‍പ്പെടുത്തിയതിനാല്‍ ഇബ്രാഹിം റെയ്‌സി വിജയിക്കുമെന്ന് നേരത്തെ സൂചനയുണ്ടായിരുന്നു.
