[] ദിലീപ് ചിത്രം അവതാരത്തിന്റെ ട്രെയിലര്‍ പുറത്തിറങ്ങി. ജോഷി സംവിധാനം നിര്‍വ്വഹിക്കുന്ന ചിത്രത്തില്‍ തമിഴകത്തെ ഭാഗ്യതാരമായ ലക്ഷ്മി മേനോനാണ് നായിക.
കൊച്ചി അധോലോകത്തിന്റെ പശ്ചാത്തലത്തില്‍ മലയോര ഗ്രാമത്തില്‍നിന്നു നഗരത്തിലെത്തുന്ന സാധാരണയുവാവിന്റെ കഥ പറയുകയാണ് അവതാരം. “ചരിത്രങ്ങള്‍ സൃഷ്ടിച്ചിട്ടുള്ളത് സാധരണക്കാരാണ്, വെറും സാധാരണക്കാര്‍” എന്ന ദിലീപിന്റെ ഡയലോഗാണ് ഈ ആക്ഷന്‍ ട്രെയിലറിന്റെ ആകര്‍ഷണം.
ജോയ് മാത്യുവാണ് കഥയിലെ വില്ലന്‍. ഷമ്മി തിലകന്‍, ഗണേഷ് കുമാര്‍, കലാഭവന്‍ ഷാജോണ്‍, ബാബു നമ്പൂതിരി, ജോജോ, വിനയപ്രസാദ്, നന്ദു പൊതുവാള്‍,മജീദ് എടവനക്കാട്, ശ്രീജയ്, പൊന്നമ്മ ബാബു എന്നിവരും അഭിനയിക്കുന്നു.
കൈതപ്രത്തിന്റെ ഗാനങ്ങള്‍ക്ക് ദീപക് ദേവ് ഈണം പകര്‍ന്ന ചിത്രത്തിന് തിരക്കഥയെഴുതുന്നത് വ്യാസന്‍ എടവനക്കാടാണ്. റംസാന്‍ റിലീസായി ഓഗസ്റ്റ് രണ്ടിന് ചിത്രം പ്രദര്‍ശനത്തിനെത്തും.//www.youtube.com/v/7zLl7mjSMys?version=3&hl=en_US