ക്രിക്കറ്റ് ലോകകപ്പിനുള്ള തന്റെ ഇഷ്ട ഇന്ത്യന്‍ ടീമിനെ പ്രഖ്യാപിക്കുകയാണ് മുന്‍ ഓസ്ട്രേലിയന്‍ ക്രിക്കറ്റ് താരം മാത്യു ഹെയ്ഡന്‍. മലയാളി താരം സഞ്ജു സാംസണ്‍ അടക്കമുള്ളവരെ ഉള്‍പ്പെടുത്തിയാണ് മാത്യു ഹെയ്ഡന്‍ തന്റെ ടീമിനെ പ്രഖ്യാപിച്ചത്.
സ്റ്റാര്‍ സ്പോര്‍ട്സിനോട് സംസാരിക്കവെയാണ് രണ്ട് തവണ ലോകകപ്പ് ജേതാവായ
ഹെയ്ഡന്‍ ഇന്ത്യയുടെ തന്റെ ഉഷ്ട ടീം തെരഞ്ഞെടുത്തത്.
രോഹിത് ശര്‍മ്മ, ശുഭ്മാന്‍ ഗില്‍, വിരാട് കോഹ്ലി, ശ്രേയസ് അയ്യര്‍, സൂര്യകുമാര്‍ യാദവ് എന്നിവരെയാണ് ബാറ്റര്‍മാരുടെ നിരയില്‍ ഹെയ്ഡന്റെ ചോയിസ്. ഇത് കൂടാതെ മൂന്ന് വിക്കറ്റ് കീപ്പര്‍മരായി കെ.എല്‍. രാഹുല്‍, ഇഷാന്‍ കിഷന്‍, സഞ്ജു സാംസണ്‍ എന്നിവരെയും ഉള്‍പ്പെടുത്തുന്നു.
ഓള്‍ റൗണ്ടര്‍മാരായി ഹാര്‍ദിക് പാണ്ഡ്യ, രവീന്ദ്ര ജഡേജ, അക്‌സര്‍ പട്ടേല്‍ എന്നിവരെയാണ് ഹെയ്ഡന്‍ തെരഞ്ഞെടുത്തത്. ജഡേജയും അക്‌സറുമാണ് സ്പിന്‍ ഓപ്ഷനുകള്‍. ജസ്പ്രീത് ബുംറ, മുഹമ്മദ് സിറാജ്, മുഹമ്മദ് ഷമി, ഷാര്‍ദുല്‍ താക്കൂര്‍ എന്നിവരാണ് ഹെയ്ഡന്‍ തെരഞ്ഞെടുത്ത ബൗളിങ് നിര.
