ആസ്‌ട്രേലിയ കാട്ടുതീ: ചാരിറ്റി ക്രിക്കറ്റ് മത്സരത്തില്‍ റിക്കി പോണ്ടിങിനെ പരിശീലിപ്പിക്കാന്‍ സച്ചിനെത്തുന്നു
സ്പോര്‍ട്സ് ഡെസ്‌ക്
Tuesday, 21st January 2020, 7:52 pm
മെല്‍ബണ്‍: റിക്കി പോണ്ടിങിനെയും ടീമിനെയും പരിശീലിപ്പിക്കാന്‍ സച്ചിനെത്തുന്നു. ആസ്‌ട്രേലിയില്‍ പടര്‍ന്നുപിടിച്ച കാട്ടുതീയില്‍ ദുരിതബാധിതര്‍ക്കാവശ്യമായ പണം സ്വരൂപിക്കുന്നതിന്റെ ഭാഗമായി നടക്കുന്ന ക്രിക്കറ്റ് മത്സരങ്ങളിലാണ് പരിശീലകന്റെ റോളില്‍ സച്ചിനെത്തുന്നത്.
ആസ്‌ട്രേലിയന്‍ മുന്‍ ക്രിക്കറ്റ് താരങ്ങള്‍ ചേര്‍ന്നാണ് പ്രത്യേക ക്രിക്കറ്റ് മത്സരം സംഘടിപ്പിക്കുന്നത്. റിക്കി പോണ്ടിങിന്റെയും ഷെയ്ന്‍ വോണിന്റെയും ടീമുകളാണ് പരസ്പരം മത്സരത്തിനിറങ്ങുന്നത്. ഇതില്‍ റിക്കി പോണ്ടിങിന്റെ ടീമിന്റെ പരിശീലകനായി ഇന്ത്യന്‍ ക്രിക്കറ്റ് ഇതിഹാസം സച്ചിനെത്തുമ്പോള്‍ ഷെയ്ന്‍ വോണിന്റെ ടീമിനായി എത്തുന്നത് എക്കാലത്തെയും മികച്ച ഫാസ്റ്റ് ബൗളറായ കോട്‌നി വാല്‍ഷ് ആണ്.
