'രാജസ്ഥാന്‍ സര്‍ക്കാരിനെയും അട്ടിമറിക്കാന്‍ ശ്രമിക്കുന്നു'; കര്‍ണാടകയും മഹാരാഷ്ട്രയും ആവര്‍ത്തിക്കാന്‍ ശ്രമിക്കുന്നുവെന്ന് കോണ്‍ഗ്രസ്
ഡൂള്‍ന്യൂസ് ഡെസ്‌ക്
Wednesday, 10th June 2020, 9:45 pm
ജയ്പൂര്‍: ഗുജറാത്തിലെ തങ്ങളുടെ എം.എല്‍.എമാര്‍ ബി.ജെ.പി പാളയത്തിലേക്ക് പോകാതെ സംരക്ഷിക്കുന്നതിന് വേണ്ടിയാണ് കോണ്‍ഗ്രസ് ഭരണമുള്ള രാജസ്ഥാനിലേക്ക് മാറ്റിയത്. എന്നാല്‍ ഇപ്പോള്‍ രാജസ്ഥാനിലെ ഭരണം തന്നെ പോവുമോ എന്ന ആശങ്കയിലാണ് കോണ്‍ഗ്രസ്.
സംസ്ഥാനത്തെ ഭരണം അട്ടിമറിക്കുവാന്‍ ബി.ജെ.പി ശ്രമിക്കുകയാണെന്ന് കോണ്‍ഗ്രസ് ആരോപിച്ചു. ജനാധിപത്യപരമായി തെരഞ്ഞെടുക്കപ്പെട്ട സംസ്ഥാന സര്‍ക്കാരിനെ കര്‍ണാടക, മധ്യപ്രദേശ്, ഗുജറാത്ത് എന്നിവിടങ്ങളില്‍ നടന്നത് പോലെ അട്ടിമറിക്കാന്‍ ശ്രമിക്കുകയാണെന്ന് അഴിമതി നിരോധന ബ്യൂറോയ്ക്ക് ചീഫ് വിപ്പ് മഹേഷ് ജോഷി കത്ത് നല്‍കി.
