[] കണ്ണൂര്‍: കണ്ണൂര്‍ ഇരിട്ടിയില്‍ ഡി.വൈ.എസ്.പിക്കും സംഘത്തിനുമെതിരെ മണല്‍ മാഫിയയുടെ ആക്രമണം. ഡി.വൈ.എസ്.പി സുകുമാരനും സംഘത്തിനും നേരെയാണ് ആക്രമണം ഉണ്ടായത്.
ഇന്നലെ രാത്രി പതിനൊന്ന് മണിയോടെയായിരുന്നു സംഭവം.
മണല്‍ കടത്തുകയായിരുന്ന ലോറിയെ പിന്തുടരവെ ഡി.വൈ.എസ്.പിയും രണ്ട് പോലീസുകാരും സംഞ്ചരിച്ചിരുന്ന കാര്‍ മണല്‍ ലോറി ഇടിച്ച് തെറിപ്പിക്കുകയായിരുന്നു.
തുടര്‍ന്ന് ലോറി മതിലില്‍ ഇടിച്ചുനിര്‍ത്തിയാണ് പ്രതികള്‍ രക്ഷപ്പെട്ടത്. നമ്പര്‍ പ്ലേറ്റില്ലാത്ത ലോറിയിലായിരുന്നു മാഫിയാ സംഘം സഞ്ചരിച്ചിരുന്നത്.
ലോറി പിടിച്ചെടുത്ത് പോലീസ് അന്വേഷണമാരംഭിച്ചിട്ടുണ്ട്. പ്രതികളെക്കുറിച്ച് സൂചനകള്‍ ലഭിച്ചിട്ടുണ്ടെന്ന് പോലീസ് അറിയിച്ചു.