ഫിലിപ്പീന്‍സില്‍ റായ് ചുഴലിക്കാറ്റില്‍ 75 മരണം
ഡൂള്‍ന്യൂസ് ഡെസ്‌ക്
Sunday, 19th December 2021, 8:48 am
മനില: ഫിലിപ്പീന്‍സില്‍ വീശിയടിച്ച് റായ് ചുഴലിക്കാറ്റില്‍ 75ഓളം പേര്‍ കൊല്ലപ്പെട്ടതായി റിപ്പോര്‍ട്ട്. ഫിലിപ്പീന്‍സില്‍ ഈ വര്‍ഷമുണ്ടായതില്‍ ഏറ്റവും നാശനഷ്ടവും ജീവഹാനിയുമുണ്ടാക്കിയ ചുഴലിക്കാറ്റാണിത്.
ദുരന്തബാധിത പ്രദേശങ്ങളില്‍ ഭക്ഷണമോ വെള്ളമോ പോലും എത്തിക്കാന്‍ കഴിയാത്ത അവസ്ഥയാണ്.
മൂന്ന് ലക്ഷത്തോളം ആളുകള്‍ വീടുകളില്‍ നിന്നും വിവിധ ബീച്ച് റിസോര്‍ട്ടുകളില്‍ നിന്നും ഒഴിഞ്ഞ് പോയിട്ടുണ്ട്. വൈദ്യുതിയും വിവിധ ആശയവിനിമയ മാര്‍ഗങ്ങളും ദുരന്തം കാരണം വിച്ഛേദിക്കപ്പെട്ട സ്ഥിതിയിലാണ്.
ബൊഹോല്‍ ദ്വീപില്‍ മാത്രം 49 പേര്‍ കൊല്ലപ്പെടുകയും 13 പേര്‍ക്ക് പരിക്കേല്‍ക്കുകയും 10 പേരെ കാണാതാകുകയും ചെയ്തിട്ടുണ്ട്. കാണാതായവര്‍ക്കായി തിരച്ചില്‍ തുടരുകയാണ്.
