റോഡരികില്‍ ബോംബ് പൊട്ടി അഫ്ഗാനിസ്ഥാനില്‍ ബസ് യാത്രികരായ 28 പേര്‍ കൊല്ലപ്പെട്ടു
ഡൂള്‍ന്യൂസ് ഡെസ്‌ക്
Wednesday, 31st July 2019, 11:48 am
കാബൂള്‍: താലിബാന്‍ സ്ഥാപിച്ച ബോംബ് പൊട്ടി അഫ്ഗാനിസ്ഥാനില്‍ ബസില്‍ സഞ്ചരിച്ച 28 പേര്‍ കൊല്ലപ്പെട്ടു. കൂടുതലും സ്ത്രീകളും കുട്ടികളുമാണ് കൊല്ലപ്പെട്ടത്. കാണ്ഡഹാര്‍-ഹെറത് ഹൈവേയില്‍ വെച്ചാണ് ബസ് പൊട്ടിത്തെറിച്ചത്.
താലിബാന്‍ ആക്രമണത്തിന്റെ ഉത്തരവാദിത്വം ഏറ്റെടുത്തിട്ടില്ല. കാണ്ഡഹാര്‍ പ്രവിശ്യയില്‍ കഴിഞ്ഞ ദിവസം തിരക്കേറിയ ഒരു മാര്‍ക്കറ്റിലുണ്ടായ സ്‌ഫോടനത്തില്‍ മൂന്ന് കുട്ടികള്‍ കൊല്ലപ്പെടുകയും 23 പേര്‍ക്ക് പരിക്കേല്‍ക്കുകയും ചെയ്തിരുന്നു.
