സോൾ: ദക്ഷിണ കൊറിയയിലെ മുവാൻ അന്താരാഷ്ട്ര വിമാനത്താവളത്തിൽ ഞായറാഴ്ച വിമാനം റൺവേയിൽ നിന്ന് തെന്നിമാറി അപകടം. അപകടത്തിൽ 179 പേർ കൊല്ലപ്പെട്ടതായി യോൻഹാപ്പ് വാർത്താ ഏജൻസി റിപ്പോർട്ട് ചെയ്തു.
തായ്‌ലാൻഡ് തലസ്ഥാനമായ ബാങ്കോക്കിൽ നിന്ന് 175 യാത്രക്കാരും ആറ് ജീവനക്കാരുമായി പുറപ്പെട്ട ജെജു എയർ വിമാനം രാജ്യത്തിൻ്റെ തെക്ക് വിമാനത്താവളത്തിൽ ഇറങ്ങുന്നതിനിടെയാണ് അപകടമുണ്ടായത്.
രണ്ട് പേരെ ജീവനോടെ കണ്ടെത്തി. രക്ഷാപ്രവർത്തനം ഇപ്പോഴും തുടരുകയാണെന്ന് മുവാൻ അഗ്നിശമന ഉദ്യോഗസ്ഥൻ പറഞ്ഞു. വിമാനാപകടത്തിൽ രണ്ടുപേരൊഴികെ വിമാനത്തിലുണ്ടായിരുന്ന എല്ലാ ആളുകളും മരിച്ചതായി അനുമാനിക്കപ്പെടുന്നു.
സംഭവത്തിൽ ജെജു എയർ മാപ്പ് പറഞ്ഞു. ‘മുവാൻ എയർപോർട്ടിലെ സംഭവത്തിൽ ബാധിച്ച എല്ലാവരോടും ഞങ്ങൾ അഗാധമായി ക്ഷമ ചോദിക്കുന്നു. സ്ഥിതിഗതികൾ പരിഹരിക്കാൻ ഞങ്ങൾ എല്ലാ ശ്രമങ്ങളും നടത്തും. ഉണ്ടായ ദുരിതത്തിൽ ഞങ്ങൾ ആത്മാർത്ഥമായി ഖേദിക്കുന്നു,’ ജെജു എയർ അവരുടെ വെബ്‌സൈറ്റിൽ സന്ദേശമായി പോസ്റ്റ് ചെയ്തു
പ്രാദേശിക മാധ്യമങ്ങൾ പങ്കിട്ട വീഡിയോ, വിമാനം വ്യക്തമായ റൺവേയിലൂടെ തെന്നിമാറി മതിലിൽ ഇടിക്കുന്ന വീഡിയോ സമൂഹ മാധ്യമങ്ങളിൽ പ്രചരിക്കുന്നുണ്ട്. , വിമാനത്തിൻ്റെ ഭാഗങ്ങളിൽ നിന്ന് പുകയും തീയും ഉയരുന്ന ചിത്രങ്ങളും വിഡിയോകളും ഒപ്പം പ്രചരിക്കുന്നുണ്ട്.
എയർലൈൻ റിപ്പോർട്ടുകൾ പരിശോധിച്ചുവരികയാണെന്ന് ജെജു എയർ വക്താവ് പറഞ്ഞു. അതേസമയം, അപകടത്തെക്കുറിച്ച് അന്വേഷിക്കാൻ രാജ്യത്തെ ചീഫ് ഓഫ് സ്റ്റാഫ് അടിയന്തര യോഗം വിളിച്ചിട്ടുണ്ട്.
67 യാത്രക്കാരുമായി പോയ അസര്‍ബൈജാന്‍ വിമാനമായ എംബ്രയര്‍ 190 എന്ന വിമാനം കഴിഞ്ഞ ദിവസം അപകടത്തില്‍ പെട്ടിരുന്നു. അസര്‍ബൈജാന്‍ വാര്‍ത്താ ഏജന്‍സികള്‍ റിപ്പോര്‍ട്ട് ചെയ്തത് പ്രകാരം, വിമാനാപകടത്തിന് സാങ്കേതികവും അല്ലാതെയുമുള്ള ചില ബാഹ്യ ഇടപെടലുകളാണ് കാരണമെന്നാണ് അസര്‍ബൈജാന്‍ എയര്‍ലൈന്‍സിന്റെ പ്രാഥമിക അന്വേഷണത്തില്‍ കണ്ടെത്തിയത്.
updating…
Content Highlight: At least 28 dead in South Korea plane crash