ദല്‍ഹിയിലെ സരോജ് ആശുപത്രിയിലെ 80 ഡോക്ടര്‍മാര്‍ക്ക് കൊവിഡ്, 12 പേരെ ആശുപത്രിയിലാക്കി; ഒരാള്‍ മരിച്ചു
ഡൂള്‍ന്യൂസ് ഡെസ്‌ക്
Monday, 10th May 2021, 12:47 pm
ന്യൂദല്‍ഹി: കൊവിഡ് രോഗികളെ കൊണ്ട് നിറഞ്ഞ ദല്‍ഹിയിലെ സരോജ് ആശുപത്രിയില്‍ 80ലധികം ഡോക്ടര്‍മാര്‍ക്ക് കൊവിഡ് സ്ഥിരീകരിച്ചു. ഇതില്‍ ആശുപത്രിയിലെ സീനിയര്‍ സര്‍ജനായിരുന്ന ഒരു ഡോക്ടര്‍ മരണപ്പെട്ടതായും ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു.
ആശുപത്രിയില്‍ സീനിയര്‍ സര്‍ജനായ ഡോ. എ.കെ റാവത്താണ് മരിച്ചത്.
രോഗം സ്ഥിരീകരിച്ച 80 പേരില്‍ 12 പേരുടെ നില ഗുരുതരമായതിനെത്തുടര്‍ന്ന് ആശുപത്രിയില്‍ പ്രവേശിപ്പിച്ചിരിക്കുകയാണ്. ബാക്കിയുള്ളവര്‍ വീടുകളില്‍ ചികിത്സയിലാണ്. ഇതേത്തുടര്‍ന്ന് സരോജ് ആശുപത്രിയിലെ ഒ.പി വിഭാഗം പൂര്‍ണ്ണമായി അടച്ചിട്ടിരിക്കുകയാണ്.
