പിടിച്ചുകെട്ടാനാവാതെ കൊവിഡ്; പ്രധാനമന്ത്രിയുടെ യോഗം ഇന്ന് എട്ടു മണിക്ക്
ഡൂള്‍ന്യൂസ് ഡെസ്‌ക്
Saturday, 17th April 2021, 6:02 pm
ന്യൂദല്‍ഹി: രാജ്യത്ത് കൊവിഡ് വ്യാപനം രൂക്ഷമായിക്കൊണ്ടിരിക്കുന്ന സാഹചര്യത്തില്‍ പ്രധാനമന്ത്രി നരേന്ദ്ര മോദി ഇന്ന് രാത്രി 8 മണിക്ക് യോഗം ചേരുമെന്ന് അറിയിച്ചു.
കൊവിഡ് -19, വാക്‌സിനേഷന്‍ സാഹചര്യം എന്നിവയും യോഗത്തില്‍ അവലോകനം ചെയ്യും. വിവിധ മന്ത്രാലയങ്ങളിലെ ഉന്നത ഉദ്യോഗസ്ഥര്‍ പ്രധാനമന്ത്രിയുടെ യോഗത്തില്‍ പങ്കെടുക്കും.
അതേസമയം, കൊവിഡില്‍ രാജ്യം നേരിടുന്നത് അതീവ ഗുരുതരസാഹചര്യമാണെന്ന് ലാന്‍സെറ്റ് കൊവിഡ് 19 കമ്മീഷന്റെ ഇന്ത്യാ ടാസ്‌ക് ഫോഴ്സ് അറിയിച്ചിട്ടുണ്ട്. രണ്ട് മാസത്തേക്ക് വലിയ ആള്‍ക്കൂട്ടങ്ങള്‍ അനുവദിക്കരുതെന്നും അതിലൂടെ മാത്രമെ കൊവിഡ് വ്യാപനം പിടിച്ചുനിര്‍ത്താനാകൂവെന്നും ലാന്‍സെറ്റ് റിപ്പോര്‍ട്ടില്‍ പറയുന്നു.
