ഏഴു ദിവസം കഴിഞ്ഞ് റിവ്യൂ ചെയ്യാന്‍ തിയേറ്ററില്‍ ആ പടം ഉണ്ടാകില്ലല്ലോ; വൈറലായി അശ്വന്ത് കോക്കിന്റെ വാക്കുകള്‍
എന്റര്‍ടെയിന്‍മെന്റ് ഡെസ്‌ക്
Friday, 27th October 2023, 9:49 am
സിനിമാ നിരൂപണങ്ങള്‍ മലയാള സിനിമയെ പ്രതികൂലമായി ബാധിക്കുന്നുവെന്ന ചര്‍ച്ചകള്‍ കഴിഞ്ഞു ദിവസങ്ങളില്‍ സോഷ്യല്‍ മീഡിയയിലും പുറത്തും സജീവമാണ്.
വിഷയത്തെ അനുകൂലിച്ചും പ്രതികൂലിച്ചും നിരവധി പേരാണ് എത്തുന്നത്. ഇപ്പോഴിതാ ഈ വിഷയത്തില്‍ കഴിഞ്ഞ ദിവസം മാതൃഭൂമി ന്യൂസില്‍ നടന്ന ചര്‍ച്ചയില്‍ സിനിമ നിരൂപകനും സോഷ്യല്‍ മീഡിയ ഫെയിമുമായ അശ്വന്ത് കോക്ക് നടത്തിയ ഒരു പരാമര്‍ശമാണ് സോഷ്യല്‍ മീഡിയയില്‍ വൈറലാകുന്നത്.
സിനിമ റിവ്യൂ ചെയ്യണ്ട എന്ന് നിര്‍മാതാക്കള്‍ പറഞ്ഞിട്ടില്ലല്ലോ എന്ന് അവതാരിക പറയുമ്പോള്‍. ഇല്ല അത് സാധ്യമല്ലെന്നും ഉടന്‍ തന്നെ റിവ്യു ചെയ്തിലെങ്കില്‍ ഏഴു ദിവസം വരെ ആ സിനിമകള്‍ തിയേറ്ററില്‍ ഉണ്ടാകില്ലെന്നുമാണ് അശ്വന്ത് കോക്ക് പറഞ്ഞത്.
